理財個案--家人退休，自己潛在責任增？

龔sir 你好，有些問題想請教你：

(1）屋企人剛剛開始進入退休既生活，雖然佢地口頭講唔洗養佢地，但唔知點解呢個轉變，對我都有一種無形壓力，唔知龔sir有咩見解？

(2) 雖然我買個人必需品既時候，都會知道呢樣野係必要(例如鞋、耳機、電話) ，但都有一種肉赤既感覺，我已經買比較平既產品，龔sir 有何建議？

(3) 承上，由於家人退休，咁小弟既資產配置上應如何改變？ 水桶1比例要降低？增加水桶3既比例？(我冇一隻股票係水桶3)

(4) 近年香港有地皮流標，咁會對地產有嚴重影響? 需要停止入066、1972？但我對066、1972都係正面，因為業務上都係穩賺。

(5) 我持股1810/285股價升左唔少，現時都係持有就得？

個案重點：
 ‧屋企人剛退休
 ‧持有地產相關股票
 ‧理財上不會買貴物品
 
重點目標：
 ‧怎樣有效幫家人理財
 ‧改善自己理財情況
 ‧理財上的心理因素

龔成老師分析：

1）有可能是你對家人的財務狀況不了解，如果出現什麽意外的話，你係需要提出支援。雖然現時無特別需要幫助的地方，但難保將來需要你幫手。因此，無形間會增加左你的壓力。

建議你多和家人溝通，了解他們退休之後的打算以及財務上的安排，這樣能令你盡早作出安排，心理上可以提早做預備。

又或者，你見到家人本身的財富不是好多，你擔心他們日後財富不足夠退休生活，令你有「潛在責任」的心理情況，擔心日後可以要你支付一些生活費、醫療費等。你最重要溝通，令大家了解具體的情況，你的壓力會減少，同時有問題大家可以共同處理。

2）如果你平時無特別開銷，突然有一些比較大的開支（例如：電話等），你覺得肉痛好正常，因爲平時你都十分節儉。

但我地需要搵到一個平衡點，正確的理財觀念不是「守財奴」，而是做好計劃，「應使得使」。

建議你平時就儲一筆錢用於特大的花費，這樣就不會覺得自己突然要使一筆錢，增加壓力。

3）家人退休生活上自己會安排，你自己有自己財務上的安排，唔好在未溝通的前提底下，就自己做財務上的改變。

如果家人真的不需要你支援，你其實可以保持現時的組合，反而，可以多留小小現金去做支援就可以。

4）中短期，樓市會因為近年高息等不利因素會較爲浮動，加上中港經濟問題，都影響了之前地產表現，不過，這只是中短期情況，你只要持貨不過多，同時用長期角度投資就可以。

港鐵（0066）、太古地產（1972）都是優質的企業，質素本身無太大的變化，有貨的話，可以持有。

5）小米（1810）、比亞迪電子（0285）是優質的潛力股，雖然升左唔少，但未到話貴，而且考慮到長線潛力，有貨可以持有。  

如果你貨多，可以考慮減少少，餘下長線，兩隻都有發展力的。

------------------------------------------------

龔成老師簡介

‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾30,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook 專頁「龔成」粉絲人數超過300,000人

若然你有問題想向龔成老師發問，可在龔成的fb專頁中（http://www.facebook.com/kungshing80）inbox龔成。