【龔成問答信箱】（Q42541-Q42560）

Q42541：

想問916流動負債大於流動資產，是否要扣分？

龔成老師：

對，這方面要扣分，反映企業的風險較高。

加上企業每年的融資成本都較高，要支付的利息較大，影響了盈利數字，所以這股只宜小注。

不過，企業過往多年都出現這情況，但企業未有特別危機出現，因此又不用太擔心。但始終風險都高，所以要小心控制注碼。

------------------------------------------------

Q42542：

龔成老師，先要感謝你，初學投資時不停碰壁，後黎接觸左你既書之後令我投資心態慢慢改變，雖然仲有D急攻近利既心態，但已經收斂左好多。今年我老婆都開始睇你既書，仲話報咗你既投資班～

想請教一下我現在既配置有冇改善既地方。

（現4x歲，每月可月供$3000-5000）
（我現每月供$3000入收息基金，目標係每月有$500息，再自行月供回收息基金，應該再供12個月就可以實現）

我的配置：
0435 陽光房地產 2000 @1.756
0788 中國鐵塔 400 @8.063
0823 領展房產 300 @35.467
1810 小米 600 @14.808
2845 GX中國電車 100 @72.921
3067 安碩恆生科技 2300 @12.644
7226 南方兩倍做多恆科 3500 @4.584

NVDA 英偉達 4 @US122.422
QQQ Invesco qqq 1 @US492.98

基金：收息基金(每月派息，收息基金係月息6.7%，年利率8%），價值約4萬
黃金基金（平均增長，不派息），價值約1萬

想問：
1/ 我月供入收息基金既方法係唔係太保守？用黎月供既錢可以供去其他地方？（如水桶1/2）
2/ 現在小米/nvda等的價值已經升左好多，如果想重新月供，係唔係都可以投落呢兩隻到？
3/ 如果想增加一隻水桶1/2股票，去平衡一下水桶比例，有邊一隻推薦？（或可以加注邊一隻現有既股票？）

最後見你有返FB pages真好，睇唔到你既留言少左好多參考。快D整返個藍剔啦～

龔成老師︰

新FB藍剔，我會盡力去試下申請，謝謝建議。

1) 派息基金，有好有壞，坊間有好多類，好難簡單答你好定唔好。

有些是投資各種收息資產，如債券等，令基金能持續派息，有些是利用資產配置及投資策略等，產生每月派息的效果，但也有機會投資不成功，要利用派出本金去創造假派息的效果。

第一，你要小心了解該基金的結構，風險程度，絕對不要單睇「每月派息」就認為是低風險，了解過往是否有出現「賺息蝕價」的情況。

第二，近年有不少派息基金，其實是債券基金，要留意，當中有好有壞，你要明白絕對不是保本的產品，有機會出現了「賺息蝕價」的情況。

第三，有些債券基金，會投資「高收益債券」，即是「垃圾債券」，你一定要睇睇佢所佔的比率。

第四，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第五，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的債券基金好多，你要仔細分析。

同埋，以你年紀，其實應以增值為主，先去累積大個本金。到有一定數量，才換成收息資產，而唔係咁快就開始儲收息資產，因為咁個長線效率會低左好多。

至於你持股，除左7226而類有槓桿架股票唔建議用之外，其餘可以長線持有。

而月供，我建議你集中「平穏增長股」和「潛力股」。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。

以下是有關"平穏增長股"和"教建構組合"的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=7Vu3VKKQrLk

2) NVDA和1810依然在合理區，長線月供係可以。但記住月供最少3年和持有5年，才有明顯效果。

3) 如果只得一隻，建議用指數ETF，2800或VOO。

因為指數ETF係一籃子不同行業架組合，具放散風險能力。就算當中個別股票出問題，對成個ETF都唔會有嚴重影響。

(其他) 
另外，黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多，我一般建議係佔財富組合2-5%左右就足夠，而且持有的應該為實金。

------------------------------------------------

Q42543：

龔成老師 呢家美股隱定幣circle上市 可唔可以幫忙分析一下？感謝你????????

龔成老師︰

Circle Internet Group, Inc. (CRCL) 是一間金融科技公司，成立於2013年，總部位於紐約，業務主力開發和經營穩定幣，其旗艦產品是USD Coin (USDC)。集團成為全球穩定幣領域，第一間上市的公司。

USDC是一種與美元1:1掛鉤的加密貨幣，主要由現金和短期美國國債作為擔保，主要功用是將傳統貨幣的穩定性和區塊鏈的高效轉帳結合。

截至2025年3月31日，Circle是全球第二大穩定幣發行商(僅次於Tether-USDT)，佔穩定幣市場約29%，其USDC流通量約620億美元。

集團主要收入，是來自儲備帳戶中持有的資產的利息回報。

據Citigroup預測，在監管路徑清晰化情景下，全球穩定幣市值將從2025年的2,300億美元增長至2030年的1.6萬億美元。

對於Circle係會有利，不過加密經濟發展存在一定不確性，故未來穏定幣或者USDC的需求是否一定持續向上，是一個變數。

此股有投資價值，但屬於潛力股類別，有一定風險，而且市盈率超過300倍。故就算你好睇好，現價最多都只宜小小注。

------------------------------------------------

Q42544：

阿 Sir 你好, 

因為facebook message 不行，剛才send了email給你。 不肯定你會否check email, 現在ig再send多次。

我和先生還有10年就退休, 家庭資產如下, 想問阿 sir 手頭上約640萬現金應該再做什麼投資? 或是等待時機買樓? 我們一直都是供樓, 很想買樓, 但是覺得現在樓價還未穩定。我們每月可儲蓄5萬。

另外希望買樓後 (預算樓價連裝修雜費 1000萬), 退休時每月還可有5萬被動收入。

請龔sir 賜教 ????????

1. 現金: 380萬港幣, 160萬美金, 100萬外幣
2. 股票: 620萬 (90%港股)
3. 保險公司儲蓄計劃: 380萬 (買入時價值，預計退休後有2倍增長)
4. 延期年金: 70萬
5. 派息基金: 260萬 （每月約6%息)
6. 銀行結構性票據: 70萬 (每年約4.5%息, 為期5年)
7. 公積金: 300萬 (現值)

謝謝! 你的股票班學生

龔成老師︰

我舊FB帳戶被封，以下是新龔成官方FB聯絡方法】
FB名稱︰Kung Shing
FB連結︰https://www.facebook.com/profile.php?id=61576712476902
_________________________________________________________

首先，我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。

所以，置業就睇你自己本身需要。

自住物業的話，最重要係佢適合自己長期生活需要(講緊未來10-20年)。同埋長線有信心供得起，咁就可以。

至於投資，你先要問自己，退休需要多少資金去生活。

比個概念你，若你希望退休後，每月有2萬蚊現金流，以股息率6%計，你需要本金400萬。因此，我地要以這400萬作為目標，透過一些有增長力的股票，去累積這筆資金。

到你退休時，再將這些有增長力股票，換成為收息資產(如收息股、年金、債券等)，去創造你需要的2萬蚊現金流。

如果你現時資金已經足夠，你就可以集中收息股，同時配有一些平穏增長股，去創造一個以收息和穏健為主的組合。

相反，你資金未足夠，就應先集中平穏增長股，去做好增值部份。

平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。

至於你手上其他投資，留意以下幾點︰

1) 外幣如果無特別用途，建議轉回港幣或美元去做投資，外幣不是一個理想財富增值工具。

2) 至於派息基金，有好有壞，坊間有好多類，好難簡單答你好定唔好。

有些是投資各種收息資產，如債券等，令基金能持續派息，有些是利用資產配置及投資策略等，產生每月派息的效果，但也有機會投資不成功，要利用派出本金去創造假派息的效果。

第一，你要小心了解該基金的結構，風險程度，絕對不要單睇「每月派息」就認為是低風險，了解過往是否有出現「賺息蝕價」的情況。

第二，近年有不少派息基金，其實是債券基金，要留意，當中有好有壞，你要明白絕對不是保本的產品，有機會出現了「賺息蝕價」的情況。

第三，有些債券基金，會投資「高收益債券」，即是「垃圾債券」，你一定要睇睇佢所佔的比率。

第四，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第五，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的債券基金好多，你要仔細分析。

3) 投資組合長線"慢慢"加入美股，個別地區長線佔比不要高於70%。

------------------------------------------------

Q42545：

老師，比亞迪入咗科指，但都係回落

龔成老師︰

我其實同好多散戶一樣，都太著重短期因素。

入唔入科指，其實唔會令佢質素出現變化。佢技術優勢、賣車數量、電池水平等，都唔會因為而樣野而受影響。

你要記住一個重點，我地投資一定係長線，你見全世界最成功的投資人巴菲特，都只會做長線投資，唔會短炒。

投資股票，就係等同投資一間企業，只要佢核心質素無變差，你係應該長線持有，去等佢慢慢成長，以達至財富增值的目標。

而中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。

所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。

當買入後，只要佢長線質素無明顯轉壞，我地長線持有，讓其自然增值就可以。

以下是講解長線投資有什麼好處，你可以睇下︰
https://www.youtube.com/watch?v=9BhH0XciOJ0

指於比亞迪(1211)本身，長線投資價值存在，現貨可持有。

------------------------------------------------

Q42546：

老師，好彩你同事WhatsApp我先搵返你個Facebook????以為發生咩事????thanks，祝你新page極速上返300,000，邁向1,000,000！

龔成老師：

多謝支持！

其實都唔知咩具體原因，總之FB話我違反佢社群守則，我上訴過但無用，最後封左個FB。

可能近年好多騙徒扮我，唔知FB係咪以為我都是騙徒，或其他原因（因為近年FB對投資類話題好緊張）。總之就封左！唉~

跟住我再開一個新FB，用翻中文個名，FB居然話我係假冒，所以要即時移除！

所以，我而家用英文名同新頭象去開新FB！

我相信之後會加強其他平台的發展。

------------------------------------------------

Q42547：

想問比亞迪(紅股：每10股送8股；轉增：每10股轉增12股)是什麼意思

龔成老師：

過程有點複雜，你明結論就得。

結論就是：比亞迪（1211）進行1拆3，即是1股變成3股，而股價會變成現價3分之1，股東的實質財富不會改變，比亞迪的目的是想減少入場費，因為現時每一手的入場金額好高，散戶較難入場。

而拆股能提高股票的流通量，方便散戶入場，以及在買賣操作上更加靈活。

不過，我地分析企業，最重要睇企業的業務及遠發展，而拆股並不是核心因素。

------------------------------------------------

Q42548：

60歲已經退休人士應該入3110、3190還是3466。全數買入或月供選擇

龔成老師：

其實都是收息基金，你就算同時持有都無問題，只要合共持股佔你組合比例不過多就得。

3110、3190無問題。

至於上述的3466，由於較新，可能要觀察下佢做成點，你可以考慮注碼上較少。

恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。

此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。

不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。

至於此ETF，主要係投資於金融類股份，佔接近4成，其次是佔約2成的地產建築業。

當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。

------------------------------------------------

Q42549：

Sir, 想問下以1830 最新的收益，現會可以買入嗎？還是等它回一些再入，已有30000股，謝謝

龔成老師：

要睇你持貨多唔多，如果已佔你組合一定%，就不要加。

這企業算有質素，但較受港消費市道影，同時本身有一定險，因此，你預佢短期仍一般，要耐心等市道好轉。

如果你持貨唔多，就加少少，但要耐心持有。

完美醫療（1830）長遠有發展的，但佢的生意都會受經濟、市道等因素影響，都有少少敏感。整體來說，本身有一定的質素。現價在合理區底部，不過由於管理層及企業本身的業務風險，這股不建議持貨太多。

佢會因為經濟、市場競爭等因素，令佢中短期業務未必好強。

長遠仍有發展力的，佢的野心唔細，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展力都有。

這股有長線投資價值。

------------------------------------------------

Q42550：

請問LLY禮來的便宜位是多少？質素怎麼樣？如果跟UNH(聯合健康)、JNJ(嬌生)和PFE(輝瑞)比較，是否穩陣性比較低？

龔成老師：

JNJ會較穩定，而UNH過往都穩定，但近年賺錢能力減，股價也較波動，所以不是無風險。至於PFE就同禮來性質較接近，Eli Lilly & Co.(LLY)是一家製藥公司，該公司在全球從事醫藥產品的發現、開發、製造、營銷和銷售。

步睇財務數據不差，都有投資價值。但始終行業變化大，不宜過份進取。

現價都唔平，最好等佢有明顯架回調，才慢慢分注入貨。

------------------------------------------------

Q42551：

阿sir：朋友WhatsApp 收到呢個叫佢參加，你點睇？
話人工智能選股，500%回報？

龔成老師：

有保留，第一，我對人工智能選股，無信心。第二，巴菲特一年回報只是20%，如果有人話佢有好高回報，我反而會好小心！

------------------------------------------------

Q42552：

寧德時代為何跑輸大市？謝謝

龔成老師：

第一，近期電動車行業有減價戰，對電池行業中短期都會不利，所以都會有影響。

第二，佢上市股價是$263，其後炒高，現時只是回翻D。

寧德時代（3750）有質素，長遠有發展。不過要留意，企業最高速增長期已過，增長比過往年代有所減少。當然，都有基本增長。

佢係全球領先的動力電池系統供應商，專注於新能源汽車動力電池系統、儲能系統的研發、生產和銷售，致力於為全球新能源應用提供一流解決方案。

佢係電池材料、電池系統、電池回收等產業鏈關鍵領域擁有核心技術優勢及可持續研發能力，形成了全面、完善的生產服務體系。

業務增長快速，生意與盈利也不差，不過股價就略為波動，現時估值唔平，現價算是合理區較上部，如果控制注碼，分注投資都可以。可長線持有。

------------------------------------------------

Q42553：

阿Sir，想問3750嘅質素係咪較1772好？
謝謝

龔成老師：

可以這樣講。

寧德時代（3750）有質素，長遠有發展。不過要留意，企業最高速增長期已過，增長比過往年代有所減少。當然，都有基本增長。

佢係全球領先的動力電池系統供應商，專注於新能源汽車動力電池系統、儲能系統的研發、生產和銷售，致力於為全球新能源應用提供一流解決方案。

佢係電池材料、電池系統、電池回收等產業鏈關鍵領域擁有核心技術優勢及可持續研發能力，形成了全面、完善的生產服務體系。

業務增長快速，生意與盈利也不差，不過股價就略為波動，現時估值唔平，現價算是合理區較上部，如果控制注碼，分注投資都可以。可長線持有。

------------------------------------------------

Q42554：

1211。
7月29日前唔沽得？

龔成老師：

你暫時只能賣出原有貨，新股未到手，未能賣出。

------------------------------------------------

Q42555：

sir！而家經濟咁差咁多結業，股票點解仲可以升得咁勁？！

龔成老師：

其實要睇該企業，如果企業是做香港的零售、飲食，其實好差。但如果做一些有錢賺的行業，以及企業本身較有質素，例如小米、比亞迪，近年業務理想，盈利可觀，股價近年表現就會較強。

至於整體港股，因為之前15000點過份低估，即是便宜。

到近一年市場認為企業又不是太差，去翻合理水平，所以上翻23000以上。

------------------------------------------------

Q42556：

老師~好開心Facebook 見返你！
想問下$329.4 入左3750，所有資金放曬落去。宜家應該走左先定等？換1211定1810比較好？thx????????

3750一直跌，是否要先止蝕

龔成老師：

我都驚大家找唔翻我~

3750，有質素，只是上市初期，股價上落較大，你只要持貨不過多，平常心就得，可守。

不過，如果貨多就可能要減持部分。

所以，你如果太集中，就減部分，轉其他。

寧德時代（3750）有質素，長遠有發展。不過要留意，企業最高速增長期已過，增長比過往年代有所減少。當然，都有基本增長。

佢係全球領先的動力電池系統供應商，專注於新能源汽車動力電池系統、儲能系統的研發、生產和銷售，致力於為全球新能源應用提供一流解決方案。

佢係電池材料、電池系統、電池回收等產業鏈關鍵領域擁有核心技術優勢及可持續研發能力，形成了全面、完善的生產服務體系。

至於轉甚麼。

1211會穩健D，而1810潛力高D風險高D，你可考慮你的風險度，決定怎樣分配。

但你會較多資金集中在中國汽車相關行業，這樣會出現集中風險，建議你同時考慮其他股，這樣會較平衡。

------------------------------------------------

Q42557：

老師 我想問一下如果而家只入一手1211  係咪每升一蚊都係等於$500既意思 ？定係只會係賺$500嘅1/3？

龔成老師：

如果你現時買入，過往的調整3分1因素，已經同你無關，不用理。

即是你買一手500股，佢升$1，你賺$500。

比亞迪（1211）業務發展理想，研發不斷進行，汽車賣得好好，電池技術發展得很好，行業前景良好，企業長遠發展正面。

現時已經成為中國電動車市場的一哥，同時品牌及銷售網絡理想，長遠仍有發展，不過，唯一擔心是股價波動。

現價約在合理區較上部，由於一手入場費較高，可考慮小注月供可以。

如果想一手手買，就要睇你資金情況，如果你只得一注資金，建議等佢回翻多少少先。如果有多注資金可分注，現價已可以買入（但要留意，這股佔整個股票組合，最好在15%以下）。

如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。

------------------------------------------------

Q42558：

想簡單問下呢比亞迪一拆三，咁我係原來有一手500股價位約178買的，但要是500股變成1500股的現價來計嗎？咁樣計反而係虧損，求指教。

龔成老師：

你的買入價，會變成$59。

你到7月尾，就會正式變成1500股。

比亞迪（1211）進行1拆3，即是1股變成3股，而股價會變成現價3分之1，股東的實質財富不會改變，比亞迪的目的是想減少入場費，因為現時每一手的入場金額好高，散戶較難入場。

而拆股能提高股票的流通量，方便散戶入場，以及在買賣操作上更加靈活。

不過，我地分析企業，最重要睇企業的業務及遠發展，而拆股並不是核心因素。

------------------------------------------------

Q42559：

阿sir，9992長遠點睇呢間公司呀？

龔成老師：

泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。

佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。

不過，佢過往曾經面對中國策方面的風險，而近年業務有好轉情況，不過要留意，佢業務始終是潮流產品類，如果日後熱潮減少，都會對佢的生意有一定影響，因此，這刻算是合理區較上部，投資就不建議太大注。

------------------------------------------------

Q42560：

請問除咗1211有冇其他可以介紹有高息啲？

龔成老師：

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

----------------------------------------------

若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

 

--------------------------------------------

【8月美股班】

日期：2025年8月6, 13, 20, 27日，9月3, 10, 17, 24日(逢星期三)。時間：1900-2200
地點：灣仔
暫時優惠價：$8800
股票班舊生優惠價：$6800
了解及報名：https://www.80shing.com/register.php?id=6

第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
**附加資料：合共超過240分鐘的溫習影片