【龔成問答信箱】（Q42641-Q42660）
【龔成問答信箱】（Q42641-Q42660）
Q42641：
老師，你建議唔好睇股價上落，佛系
咁真係好咩？
龔成老師︰
你誤會了，唔係"佛系"。
而係要用長線角度去睇一隻股票。集中分析佢有無長線投資價值，再用合理或平宜價買入，之後長線持有。中間短期因素，唔洗理，除非影響到集團長線核心。
簡單來說，睇「企業長遠發展」，而不用太理會「短期股價」。
------------------------------------------------
Q42642：
龔sir你好，如果現有一球，請問有咩股票可以入呢？比亞迪，小米？感謝
龔成老師：
首先要考慮你的年齡、風險度，去決定投資那一類股票，整個組合的配置怎樣。另外，同一隻股票不宜超過15%，減少集中風險。
如果你能承受基本風險，可考慮以下股票，建立一個長線的財富組合，投資時也不要一次過大手，要分注，時留現金。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
------------------------------------------------
Q42643：
多謝老師指點，有諗緊上美股班，但買賣美股是否限於晚上操作？因為我7:00起身返工，晚上九點幾先返到屋企。
如果減持0066，0003，可否加入少量1177作為長遠投資
即是重新月供：
0003 （25%）
0066 （25%）
0388 （20%）
1177 （10%）
1810 （20%）
這樣組合可以嗎？
龔成老師：
其實有部分證券行/銀行的平台，可以提供比你落一些預設盤，當股價到了某一個價位，就會同你自動買入/賣出，所以，你不用比時間限制住。
加上我地投資股票，都應該以長線投資作方向，根本不用睇住短期個市，所以就算你晚上不便，根本不影響。
同時，你可以用月供方法，即是每月設定了某個固定金額買入某股，長期進行，原理就是儲貨，你根本不用理短期市況。
上述組合無特別問題，都是有質素的，只是集中在港股，長遠宜加入美股。
0003、0066你貨較多，減3分1，轉其他可以，轉1177可以，但由於同一隻股票建議上限是15%，你加少少好了。反而你應該加美股，如VOO，以平衡風險。又或加2800、3067。
------------------------------------------------
Q42644：
Kung sir 請問941 收購1310，前者仍有增長度帶動股價？ 現價合理投資？
龔成老師：
由於中移動（0941）的規模好大，相對地，1310就較少，所以，1310對中移動影響就有限。
中移動市值過萬億，1310市值不足$100億。
中移動（0941）有質素，5G對佢有正面影響，長遠發展仍正面，值得長線持有，作為收息及平穩增長。
過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。
過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。
整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。
------------------------------------------------
Q42645：
Sir 如果用市盈率估值法計 Lulu lemon
1. 假設要取2024 年的市盈率邊一日好D？ 2024-12-31 個日定 31/3?(年報截止）?
2. 我用十年市盈率 劃頭尾剩4 及五年 平均 eps ok?
Thx ????????????????
龔成老師：
1）無所謂，因為這些都是一些參考數據，以幫我地推算，一般來說，我地用翻該公司結算日作計算，因為較多財經網會以這作為資料提供，我地計算會較方便。
2）這企業5年前，市場對佢產品的認識，與近5年，有較大不同，所以，建議只用5年數據，代表性會較高。
不過，佢近1、2年的市場熱度減左，加上競爭大左，所以要小心調整數據。
------------------------------------------------
Q42646：
但都擔心一入就跌
好多時都咁
雖然小米有potential
但好像價位已貴
但老師，今天利好消息都無大爆1810
其實是否到高價位
好想入但好怕又坐
我隻558坐左3年了
龔成老師︰
你依然未明真正投資是什麼﹐依然係好似好多散戶咁，只係關注短期差價變化，咁係好危險。
我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
以下是講解長線投資有什麼好處，你可以睇下︰
https://www.youtube.com/watch?v=9BhH0XciOJ0
------------------------------------------------
Q42647：
老師：平保、友帮中長線哪一只較好？
龔成老師：
兩隻都是不差的股票，你預1299穩健度會高少少。
但如果增長力高D（風險都會高少少），就2318。
中國平安（2318）近年表現較弱，從業務上，並不是完全負面的，企業仍有質素的。而另一個影響近年股價因素，是近1、2年的內房及延伸資產問題，會對平保中短期不利影響。
而現時內房問題開始好轉，起碼中國政府表明要穩內地房產，對這部分資金會利好翻。
因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。
如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。
平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。
企業回勇仍要時間，如果內房等資產問題無明顯惡化，這企業會慢慢好轉。
長遠來說，企業仍是有質素的、有規模、有品牌，因此發展力仍在。這股長線投資價值依然存在，現價算係合理區中下，但由於短期股價仍波動，因此投資者投資，都要明白這方面的風險。
------------------------------------------------
Q42648：
老師；
想問問9880同2313
龔成老師：
你預9880潛力高風險高，而2313較穩陣，所以要睇翻你的風險承受能力決定。
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。
的產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力，但生意波動大，財務數據弱，之前都是虧損，加上市場對這股有時炒作大，令股價上落好大，風險較高。暫時只建議小注投資，同時，一定要明白風險，低風險者不宜。
申洲國際（2313）有質素，但業務增長減慢，現價合理區中間。
佢可以話係中國最大的縱向一體化針織製造商，主要以代工（ＯＥＭ）及委託設計（ＯＤＭ）相結合方式為客戶製造針織品。
佢的的布料生產基地位於中國寧波市和越南西寧省，並策略性地在中國寧波市、衢州市及安慶市、越南胡志明市及西寧省和柬埔寨金邊市設有製衣工廠。
佢主要生產針織運動類用品、休閒服裝及內衣服裝，主要客戶包括ＮＩＫＥ、ＵＮＩＱＬＯ、ＡＤＩＤＡＳ及ＰＵＭＡ等品牌客戶。產品市場遍佈中國內地、日本、亞太區及歐美市場。
過往發展不差，盈利都有理想增長，企業有質素，有長線投資價值，有貨可持有。如果現價想入，就小注或月供，現價仍唔平，買入後可長線。
------------------------------------------------
Q42649：
老師：以伊戰事，油股可選？
龔成老師：
不太建議這樣選股，因為無人知之後的發展，如果戰事好轉，油價又會跌，而我地要預測戰事發展並不易，因此不建議這樣做。
當然，如果你從長線投資角度，一些石測股都可以分注投資，作為長期財富配置的一部分，但原因並不是近期戰事。例如857、883、286、OXY等。
------------------------------------------------
Q42650：
你好呀，龔成老師
我想問一問地平線機械人同黑芝麻智能本身業務邊個比較優勝？
以及地平線機械人有發展潛力嗎？
想問一問你寶貴嘅意見！麻煩你老師
龔成老師：
其實都是有風險，有發展的類別。高風險類，投資只宜小注。
質素及規模上，地平線機器人（9660）較好。
地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。
黑芝麻智能（2533）是有風險，有潛力類別。
主要在中國提供智能汽車系統芯片（ＳｏＣ）及基於ＳｏＣ的自動駕駛解決方案，以及提供智能影像解決方案。
ＳｏＣ產品組合包括專注於自動駕駛的「華山系列」，以及專注於跨域計算的「武當系列」。
集團開發硬件平台及自動駕駛解決方案，該等解決方案支持智能駕駛系統、安全系統和車聯網（Ｖ２Ｘ）解決方案的各種自動駕駛功能，專為快速部署而設計。集團會獨立銷售自動駕駛支持軟件，亦與ＳｏＣ一同銷售。
企業的產品，長遠有一定的應用，相信是有發展力的，不過，企業這刻仍處於「燒銀紙」的狀態，何時才有具體的盈利，存有較大未知數，這點令股價可以十分波動。
因此，如果投資者風險承受能力不高，就不建議買這股。
如果能承受風險，小注投資都可以的。
------------------------------------------------
Q42651：
你好老師，我今年36歲，老公剛剛失業，租屋，沒有小朋友。我現時的工作都不太穩定，都很徬徨。我有現金50萬
1. 請問可以如何分辨創造被動收入？
2. 以下是我持有股票，大部份都是1-2手，約350,000，已持貨多年了，請問我的分配適合嗎？Sasa 178 是否要賣出？
11
14
66
178
388
788
1177
1428
1448
1810
2388
2800
3067
9988
感謝你的時間
龔成老師：
1）如果你先生失業，加上你工作不穩，這刻持有的$50萬，應該穩陣少少，會建議你$50萬大部分持有現錢，無論在心理上，以及理財上，都較好。
至於部分資金，例如$10萬-$20萬，可考慮投資收息股、收息類資產。以創造現金流，同時風險又不想太高。
例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
2）至於現時持股，14、66、178增長力減慢，不建議加注，其中的0014、0178，由於發展力比過往年代減少，如果持貨多，宜減持。0178，如果有較大反彈，可賣出。
至於其他無太大問題。
------------------------------------------------
Q42652：
龔Sir,請問你點睇美股CRCL?現價係咪算貴？幾錢先合理？Thx!
龔成老師：
Circle Internet Group, Inc. (CRCL) 是一間金融科技公司，成立於2013年，總部位於紐約，業務主力開發和經營穩定幣，其旗艦產品是USD Coin (USDC)。集團成為全球穩定幣領域，第一間上市的公司。
USDC是一種與美元1:1掛鉤的加密貨幣，主要由現金和短期美國國債作為擔保，主要功用是將傳統貨幣的穩定性和區塊鏈的高效轉帳結合。
截至2025年3月31日，Circle是全球第二大穩定幣發行商(僅次於Tether-USDT)，佔穩定幣市場約29%，其USDC流通量約620億美元。
集團主要收入，是來自儲備帳戶中持有的資產的利息回報。
據Citigroup預測，在監管路徑清晰化情景下，全球穩定幣市值將從2025年的2,300億美元增長至2030年的1.6萬億美元。
對於Circle係會有利，不過加密經濟發展存在一定不確性，故未來穏定幣或者USDC的需求是否一定持續向上，是一個變數。
此股有投資價值，但屬於潛力股類別，有一定風險，而且市盈率超過300倍。故就算你好睇好，現價最多都只宜小小注。
------------------------------------------------
Q42653：
早晨，老師，想請教一下，最近睇份報告話：1211比亞迪，負債係最多。會唔會好大影響呢？
龔成老師：
我地睇負債，要同時睇企業資產，生意大負債大，佢每年現金流有過千億，應該是全中國車企最強。當然，佢近年的負債的確高左，這點令企業風險度略真提高，但整體仍是接受的，不過投資就要控制注碼，風險度略有提高。
------------------------------------------------
Q42654：
龔sir早晨，想問現在泡泡瑪特想入貨，是否適合？麻煩晒
龔成老師：
泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，而近年業務有好轉情況，不過要留意，佢業務始終是潮流產品類，如果日後熱潮減少，都會對佢的生意有一定影響，因此，這刻算是合理區較上部，投資就不建議太大注。
------------------------------------------------
Q42655：
Hello,龔成老師，請問現時有咩收息股，現價便宜或合理中下至中間呢？現時沒持有任何股票，想購入地產或銀行收息股，thanks for
龔成老師：
你可以建立一個收息股的組合，目標是5%以上股息率的收息股，以下都在合理區中間，或以下。
高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
------------------------------------------------
Q42656：
阿Sir，想你對美股Lululemon嘅質素評估下同埋合理範圍係多少？
龔成老師：
Lululemon Athletica（LULU)設計、分銷和銷售女士、男士和女孩的運動服裝、鞋類和配飾。
現價約在合理區中間，如果跌多2成就有機平，但有一定你要留意，估值是會變的。佢早幾前的業務十分理想，但到近2年轉弱，如果業務進一步轉弱，估值將會下調，就算跌2成都未必便宜。
它通過17個國家的570多家公司自有商店、電子商務、奧特萊斯和批發賬戶銷售其產品。成立於1998年，過往生意穩定，營業額每年上升，是優質的股票，不過，這刻估值已偏高。
Lululemon憑當中瑜伽服在近年受歡迎程度不斷增加，令業務保持成長，在近年財務數據可見，企業業務發展正面，保持理想增長，不過賺錢能力略有下跌，反映企業在發展新市場時，以市場佔有率為先，而未必太著重賺錢能力。當然，部分原因是因為成本增加，而未能全部轉嫁給消費者。
企業有質素，長遠有發展力，但較擔心是估值，因為現時估值已高，市場過份睇好這企業的發展。雖然這企業仍有發展，但投資者要留意，企業賺錢能力近年並無明顯增加，加上服裝是潮流產品，不排除日後情況有變，因此就算這刻業務有高增長，也不能推算長期必然能處於這情況。
考慮到風險因為及現時估值，算是合理區中間，分注投資都可考慮。
------------------------------------------------
Q42657：
老師，我記得之前有問過你341大家樂質素如何，最近都有再睇番，對佢日後派息都有d擔憂，今日係評論區睇到個人分析佢，我又覺得好似講得幾岩，想問下你認為佢既觀點如何
$大家樂集團 (00341.HK)$
1：生意方面，先比兩餸飯打殘加上北上消費，我唔相信你會做得好兩餸飯以及內地餐廳，中央廚房做，好食極有限，所以生意未必有以前咁好，純利及毛利有機會不及以前，從而影響派息，當有減息或停派息情況出現，外資自然有機會沽貨或根本唔可以再擺係隻基金到，因為人地本身個setting就係要收息，所以有機會引致外資及基金沽貨問題
2：餐飲業黎講，你都算多鋪位，鋪位地段減值影響舊有估值結果，就如重資產公司咁，市唔好自然要減值，所以當資產一對比市值，自然有沽貨可能性
3：食物質素下降，價錢不停上升，大家呢幾年食，自己都感覺到吧，廚師唔掂唔再講，仲要串過馬**，自己推新餐賣得唔好賴員工做得差，唔好咁**柒啦，仲叫自己大廚，有時真係忍唔住笑偷笑
4：旗下子品牌o字頭，曾經聽過人講，做到仆街既員工每年加得2舊水，經理級加2000以上，做到隻狗咁既員工就得2百，係到傾計行黎行去吹水打機就加2000，開會分員工福利仲要經理私下袋埋都仲得，
1個字講哂，（勁）
5：未見管理層有增持股票及回購，係覺得未跌夠，未跌到平位，定係其實對自己公司完全冇信心，自己都唔敢買呢，嘉信,BLK,先鋒25年q1呢3間應該係一齊減持
6：24年全年賺既差唔多全部派息派哂出去，reits都係派9成，點解你會差唔多派足10成呢，根據現在生意環境同持有的現金等價物，仲可以頂到幾耐，21年現金等價物仲有20億，今年已經得番接近10億邊緣
7：當股價跌到咁低既時候，會唔會有機會比有心人私有化左佢算數，令大家係上面山頂或山腰買左貨既冇仇報呢，先睇睇之前既譚仔，有傳過想私有化，我諗通過既機率都好高架啦，所以大家真係要小心，當再跌得深先再私有化，到時息又冇得收，價又輸埋，呢鋪真係（私有化之戴維斯雙殺）
8：內地餐業品牌來香港上市以及發展業務呢個趨勢冇辦法可以再擋得住，內地求其一間上市公司餐飲業，可能淨現金已經買起你成間公司市值，仲有咩可以同人鬥？不過都好既，以前你恰小商鋪，依家到大公司恰番你，風水輪流轉，所以話，報應唔會唔到，只係時辰未到
龔成老師︰
其實佢主要問題有3個︰
1) 食物性價比下降(價錢唔平，但質素和新意欠奉)
2) 消費降級(買2餸飯之類仲抵)
3) 消費習慣改變(假日留港消費人士減少)
大家樂集團(0341)是平穩增長類股，企業質素中等，不算好高質，但也不是完全無質素。
佢的主要收入來源是香港快餐業務，「大家樂」及「一粥麵」佔整個集團收入60%，中國的大家樂業務佔16%，香港休閒餐飲佔11%，香港機構飲食如「活力午餐」食佔11%。
香港現時整體市道較一般，經濟不算特別好，也不算好差，而大家樂始終是較為平價的食店，受經濟週期影響相對不算巨大，不過，近年兩餸飯令市場競爭加大，對佢都有不少影響，賺錢能力受壓。
由於上述情況，將會在短期持續，因此這股短期股價也未必會太好，要到中長期，香港市道慢慢好轉，才會出現向好情況。
這股整體的質素算是中等，不過不失，增長力不強，這股過往股息不差，適合收息及追求穩定增長類的投資者，雖然股價回落不少，但未到平，現價只是合理中下，但由於這股質素只是中等，因此又不值得投資太多。
------------------------------------------------
Q42658：
想請問下我想報美股班但第一個星期我不在港
還合適嘛？
怕第一堂就不在完全追不上
龔成老師：
不用擔心，因為頭3堂都是基本知識，所以不會完全跟唔到，你可以在第2堂，問我地取翻第1堂的筆記（都有十多頁內容），你慢慢消化翻都得，以及問我地取翻第1堂的重點重溫影片（約30分鐘），你之後會較易跟到。
如果你無信心，可以睇《圖解美股小百科》，能助你跟到之後的課堂內容。
你同同事講，第1堂美股班翻唔到，可以安排下一期補翻比你。
【美股班】
日期：2025年8月6, 13, 20, 27日，9月3, 10, 17, 24日(逢星期三)。時間：1900-2200
地點：灣仔
暫時優惠價：$8800
股票班舊生優惠價：$6800
了解及報名：https://www.80shing.com/register.php?id=6
第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
**附加資料：合共超過240分鐘的溫習影片
（你直接whatsapp 55457212報名都得）
------------------------------------------------
Q42659：
老師，咁想問下，恒生高息股3466，話每個月都會派息，現價又買唔買得過？
龔成老師：
恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。
至於此ETF，主要係投資於金融類股份，佔接近4成，其次是佔約2成的地產建築業。
當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。
此股可作收息之用，現價合理，可分注儲貨。
------------------------------------------------
Q42660：
請問用咩方法先睇到價格係高或低於價值架老師？
龔成老師：
首先，買入股票就是買一間企業，每間企業都有當中的價值，最基本的概念，一間企業由業務價值與資產價值組成。要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。
----------------------------------------------
若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。
----------------------------------------------
係呀，以下是最新課程資料，已經接受報名：
★8月美股班
★9月進階班
★11月港股班
--------------
【美股班】
日期：2025年8月6, 13, 20, 27日，9月3, 10, 17, 24日(逢星期三)。時間：1900-2200
地點：灣仔
暫時優惠價：$8800
股票班舊生優惠價：$6800
了解及報名：https://www.80shing.com/register.php?id=6
第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
**附加資料：合共超過240分鐘的溫習影片
---------------
【進階班】
日期：2025年9月5，12，19，26日
及10月3，10，17，24，31日
及11月7日（逢星期五)
時間：1900-2200
地點：灣仔
費用：$18800（新學員）
股票班舊生優惠價：$12800
報名：https://www.80shing.com/register.php?id=3
第一課：必需掌握的經濟與行業關鍵
第二課：企業價值與高息股投資術
第三課：活用財務比率尋寶術
第四課：年報拆解技巧進階
第五課：尋找資產隱藏型企業秘技
第六課：利用平貴把握最佳買賣時機
第七課：必學18種企業估值模式
第八課：實用大行報告尋寶術
第九課：10倍股選股術(上)
第十課：10倍股選股術(下)
**附加資料：合共超過400分鐘的溫習影片
---------------
【港股班】
日期：2025年11月1, 8, 15, 22, 29，12月6, 13, 20日(逢星期六)。時間：1500-1800
地點：灣仔
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片<
Comments (0)
Write a comment
Your Name:Your Review: Note: HTML is not translated!
Rating: Bad Good
Enter the code in the box below:
FB Comments