【龔成問答信箱】（Q43181-Q43200）

Q43181：

老師，我分注買了45萬股南方恆科(07552)，投入資金約70萬，這隻股就一直向下調，想問問下一步應如何走？小白上

龔成老師：

作為一個投資新手，你做了錯誤的投資決定！！

第一，這類槓杆基金風險較高。

第二，這類基金不適合新手。

第三，這是反向基金，大市升，佢跌，仲要有槓杆，科指升1%，佢跌2%，高風險。

提翻，無人能預測大市短期走向，巴菲特都話佢唔得，除非你實力勁過股神！

記住，我地投資不是預測短線走勢，而是進行長期的財富配置，持有優質股，長線。

第四，投資$70萬絕對不適合，我地任何股票或基金，都不應投入過資金，不能佔我地投資比重太多。

我建議你加強自己的投資知識，之後先再投資。

------------------------------------------------

Q43182：

阿sir你好，我係一個退休人士，如果大約$100而家先至買入滙豐！算唔算高，因為我唔想承受太大風險，所以唔敢買科技股????

銀行利息只有1%但係滙豐好似都有5%

龔成老師：

雖然匯豐（0005）現價未貴，但也不宜在現水平一次過買太多。

建議你建立一個收息股組合，匯豐是其中一隻，但不是唯一。

投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、匯豐（0005）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

3110可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。

這是不差的收息組合，但增長力不強。

------------------------------------------------

Q43183：

請問1972是否值得繼續持有？現時差少少便返回家鄉，還有機會再升嗎？另外，3067仲差好遠才到家，是否可以再等下去呢？謝謝????

龔成老師：

太古地產（1972）增長力不及過往年代，但不是無質素，你可考再上多D，減部分，留部分。

太古地產是香港及中國的綜合地產發展商、業主及營運商。簡單來說分做三個部分：物業投資、物業買賣、酒店投資。

這企業現時持有的物業組合，包括香港太古坊、太古廣場及太古城中心。中國內地方面，公司在北京、廣州、成都及上海擁有六個已投入營運的大型商業發展項目。集團在香港、印度尼西亞、越南及泰國的住宅市場均擁有業務，在美國邁阿密亦有土地儲備。太古酒店在香港、中國內地及美國發展及管理酒店。

由於美元強，再加上全球地緣政治和經濟不明朗，以及中國經濟轉弱，來港旅客消費模式改變等因素影響，疫情後的復甦仍然慢。

相信在短期，這企業仍面對一個較一般的零售環境，因此財務數據及股價都未必太強。

至於3067，長遠發展力仍在，但始終科技基金風險較高，你要睇翻持貨比例是否較多。

------------------------------------------------

Q43184：

9992近期下跌，有一手，應否長揸？

龔成老師：

如果一手就持有。泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。

合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。

不過，佢過往曾經面對中國策方面的風險，而近年業務有好轉情況，不過要留意，佢業務始終是潮流產品類，如果日後熱潮減少，都會對佢的生意有一定影響，因此，投資就不建議太大注。

------------------------------------------------

Q43185：

老師，蘋果點睇

龔成老師：

Apple（AAPL）有質素，無論技術、發展、品牌、銷售網絡都十分強，是可以長線持有的股票。

佢設計了各種各樣的消費電子設備，如智能手機（iPhone）、（iPad）、智慧手錶等。而iPhone占蘋果總收入的大部分。另外，蘋果亦為客戶提供各種服務，亦是一些延伸的賺錢模式，如蘋果音樂、iCloud、蘋果電視、蘋果支付等。

蘋果有很強的護城河優勢，其中一項是來自高客戶轉換成本，再加上當中的技術、發展、品牌、銷售網絡都十分強。

除了留意iPhone等產品的銷售外，也要留意其他收入，因為智能手機只是平台，只是其中一個產品，蘋果努力擴展其他收入，同時有另一項業務，賺錢能力比產品類更高，就是服務類，蘋果正擴大 iOS生態系統的覆蓋範圍，近年對收入貢獻比例不斷提高。

投資者買入這股後，可長期持有，就算有中短期波動也不用擔心，除非蘋果的核心質素有變，否則，若果只是一些中短期問題，例如中短期產品銷售、中短期供應鏈問題、中短期研發無突破，投資者不用理會，只需耐心持有等企業成長就得。

由於已經發展得好大，之後會進入穩定的增長期。長遠的投資價值仍在，如投資要分注，長線，現價合理。

------------------------------------------------

Q43186：

老師早晨，現在2800 ，3110可唔可以繼續買入？ 當存錢入銀行咁做得唔得？

龔成老師：

第一，兩隻都是有質素，可長線，現價可分注買入，但不要一次過買，不要用太多資金。

第二，股票是有風險的！不同定期！

股價始終有上有落，你要考慮自己風險承受能力，投入適合你比例資金。

盈富（2800）這是一個「平衡組合的工具」，當中有80隻成份股，對股票組合有平衡作用。同時，你預是一個收息及平穩增長類基金，雖然不是高速增長，但就適合大部分投資者。

對不懂選股的投資者來說，可以用盈富作中心，加上其他股，這就是一個穩中求勝的策略。

------------------------------------------------

Q43187：

我睇左3800 的年報 長期處於虧損狀態 原因是晶硅售價低於成本 市場需求不大 

最近公告會有RWA 穩定幣合作方案 但仍未正式落實 所以前景是不太明朗 如果入手前 有睇清公告 同年報 未必會衝動入 …. 哈

看看這分析可以嗎 謝謝

龔成老師︰

我未具體睇佢年報，大家講出了佢虧損主要原因，同埋是什麼導致。

另外，由於產品跌價，令到佢都生產少左。不過，而類型生產商，有好多固定成本都不能因為減產而減少，變相令到佢虧損幅度進一步惡化。

同埋，佢有一個近10億架公平值變動，而個有機會只係會計數字調整，你可以睇翻個原因。

至於RWA，其實你可以簡單咁理解，佢只係將現有產品，放上區塊鏈途徑去銷售。就算成事，只叫做多一個銷售門路，我相信唔會對佢業務有一個好大架幫助(因為銷路，始終要睇佢產品質素和市場需求)。

------------------------------------------------

Q43188： 

龔成老師你好, 心情有啲失落都想同你分享下

我哋上海層樓 最高峰 兩年前530萬 我哋放棄咗個買家雙手讓咗畀 樓下 我哋嘅香港鄰居朋友因為佢哋個女趕住要出市區讀書

我哋一心諗住 慢慢啦應該等多一年半載會繼續上升會繼續更加好

點知我朋友賣完之後唔夠三個月 23年底開始房價 嚴重下滑

中國前幾日開咗個大會 裏面內容 係講明要維持穩定 要在中國更多人享用到 舒適嘅房屋意思即係 價錢低人人都買到咁先至舒適

我一聽完呢個消息 再加上見到6月1號樓下同戶型 成交咗345萬

我今日的起心肝去搵agent佢叫我唔好留戀佢話上海嘅房價 非常不明朗 佢話如果我要走 係遲早嘅事 叫我盡快賣

我話 530係高峰我朋友個價其實因為係我雙手 奉送咗個客畀佢

呢一下係我成日放唔開, 到今日我同個agent講低過四百萬我真係接受唔到

鬼準坦白同我講佢話6月1號我樓下同戶型 成交345萬我高佢五層都係同戶型佢話頂多 高十萬

佢叫我 底價 360 要錢唔要樓 叫我 唔好留戀上海, 仲要話 叫我 join佢哋嘅 什麼service 喺個網上面 如果 啲客自己睇佢哋嘅平台 貝殼， 就會 見到優質 首先推。

優質筍盤的意思

咁即係話 要靠埋呢啲嘢先至有機會成交到

個經理話 如果呢個價 就反而係 市場價格 比較有信心一個月內幫我出到

我同老公一心諗住 反正都係唔好糾結三幾十萬就360萬人民幣底價賣走佢算了攞返本金然後跟你買股票

因為我哋係做 建築工作而家 香港和大陸 房地產咁差我哋做起樓部門嘅 都 驚冇公開 分分鐘 做完呢個項目就會 直接被公司cut咗成條team 即係返香港就失業被退休

我們夫婦已經50冇仔女

我老公跟 阿sir你嘅 資料 提議, 我老公 話賺咗有15%

所以我哋諗緊攞返360萬人民幣 即係380萬港幣， 買一啲 收息股以及你嘅 資訊提供的股票建議

我哋雖然返唔到嚟香港上你嘅堂但係我老公已經睇曬你嘅書, 層樓我仲未正式 放出去 希望360 買到啦 我個心希望有人再比高二三十萬啦

我呢個係眼淚嘅教訓朋友還朋友 唔能夠太好心 因為 一講到錢係一件好嚴肅嘅事

希望我哋能夠 揸住呢380萬港幣， 用2年半時間追得返100萬 。我老公話計過 如果8呢年本金加利息應該兩年半做到

佢都係跟住你嘅建議買呀佢個人都係穩陣派, 佢睇完你 又睇過 好多youtuber名家老師 甚至亦都 知道子凡， 不過佢話其他唔睇喇淨係跟你嘅頻道。 

因為佢覺得你 穩陣得你又有少少進取，但係又唔會非常進取????， 呢個 standard佢好buy 同佢性格做管理嘅人係比較近。

但係我老公話， 「賞賜是耶和華 收取也是耶和華」。

說不定 上帝在股票方面 繼續祝福我們 比起這個 房子 的祝福更大。

我2015買入220萬， 而家如果360賣出， 減埋 75萬 供咗嘅利息 ，其實都賺咗。

多謝阿sir聆聽

如果過多一兩年真係要返香港工作 就去報名上你堂。

“賞賜的是耶和華，收取的也是耶和華。 耶和華的名是應當稱頌的”(約伯記1：21)

龔Sir, 我真係賣咗層樓，琴晚成交咗 370萬人仔，即係套返現404萬港幣。

雖然 賺少咗 幾十萬， 但係呢個時勢如果唔進取啲就成交唔到 ，套唔到現金，然後繼續 陰陰跌，可能仲衰多兩成。

因為上海呢邊 經濟真係差好多人畀人拖數連政府 都找唔到錢 畀民間啲公司， 

有好多公司而家都要改返四日工，有啲甚至 3日半，都係頂住個雞頭，不過總好個裁員。

希望未來五年，好好利用呢一筆錢，跟住龔sir學習投資， 預備55歲退休。

如果能夠做到 每年有十厘 我已經 非常滿足感恩。

阿sir 我應該要 糾正，我哋夫婦目標係想用四百萬，每年收到至少15% 利息，需要喺三年內目標賺到180萬。

想聽下 龔sir意見 如何 設定策略。

這是我們 工作 最後五年的機會了， 一定要把握得好好 。

因為 我哋嘅專業，係過咗55歲，基本上就 要預備冇人請。

所以我哋要賺多接近二百萬，先可以有資格 夫婦財務自由退休。

我們沒有兒女的。

 

龔成老師︰

其實內地政策，都女子清晰房住不炒，唔係話D樓會無晒價值，但要用來增值就相信未必咁理想。

我地投資係有一樣野叫"機會成本"，表面上你持有物業，只係賣唔賣架考量。但實際上，如果你堅守唔賣，仲會放棄埋投資其他資產架機會。

所以，你沽出內地物業，我覺得都係合理做法。

至於退休規劃方面，用5年時間，每年平均15%回報唔係唔得，但有一定風險。我相信要你們組合一半「平穏增長股」和一半「潛力股」(而唔係集中收息，因為正常收息股，現時年息只有大約6-8%)，先大機會做到。

但以你們年紀，我一般會建議集中「平穏增長股」。因為你們隔離退休時間唔算長，如果萬一有重大錯誤，比較難番身。所以，你們要自己平衡而件事。

到5年後，如果你們累積到足夠資金，才換成「收息股」，創造被動收入去支援退休生活。

(退休支援計算方法︰如果你希望5年後每月有2萬蚊現金流，以股息率6%計，你需要本金400萬。)

以下是相關「平穏增長股」和「潛力股」，你可以以它們作目標，去長線分注或月供儲貨(記住唔好一次過入，咁係好危險)。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

以下是有關"平穏增長股"和"潛力股"的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU

------------------------------------------------

Q43187：

龔Sir你好. 首先好多謝你的投資意見，對於股票0知識嘅

我自從個半月前開始狂睇你D片及收到你意見後便開始投入股票市場，希望能為存款增值及收息創造被動收入，到目前為止賺咗10%，真的多謝你

我設計左一個長線投資收息增長組合，部分已入市。希望你能俾D意見我. 感激感激

- 港燈：11%
- 建設銀行：11%
- 香港電訊：11%
- 置富產業房托：6%
- 香港中國高息ETF（3110）：17.2%
- 國指備兌ETF（3416）：13.38%
-美股VOO：13%
- 增長股（比亞迪+比亞迪電子、小米、阿里巴巴）： 17.4%

龔成老師︰

首先，你要清晰自己投資目標定位先。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

相反，如果你係接近退休之年、初學者、或者好保守，才好集中用「收息股」作目標。

你現時手上的股票，都有長線投資價值。

除左ＧＸ國指備兌（3416），佢架投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。

由於這ETF運作，並不是無風險，所以，高息是否保持，無人知，同時要明白有價格波動。

由於這ETF成立時間不算長，而這段時間，港股大致是向上的。

但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。

我並不是說不能投資這ETF，而是要明白上述的風險，同時在注碼上不宜過多。

整體而言，你個組合係偏向保守型，若你係中年至退休，或者因為初學者想保守D，咁係可以的。

------------------------------------------------

Q43188：

退休收息股到股價貴時應也要賣出嗎？

龔成老師：

有機會，如果某一隻收息股，股價升到貴但無股息增加去支持，你這刻賣出，將資金轉投資其他高息股，你得到的股息回報能提高。

------------------------------------------------

Q43189：

Sir, 如果想收息又做到資產增值，美股 SPLG 定係 NOBL 好些？
你會建議以 ETF + 個股的方式買美股？

龔成老師：

其實兩隻都是有質素的ETF，都可長線投資。

如果你投資目標是收息，就可考慮NOBL。

如你想增值多少少，就SPLG。

以組合平衡度及穩健度來說，利用ETF + 個股的方式買美股，是較好的。

------------------------------------------------

Q43190：

老師，富途$60有貨，究竟我繼續長線持有，定還是放一半？

龔成老師：

這股在大方向上，可持有，但近期富途（FUTU）近期股價大升，主要受穩定幣及加密貨幣相關概念帶動，其實近期不少證券股也受這因素影響而上升，而作為大型證券行之一的富途，如果這類業務有發展，這股都會受惠。

如果你貨多，可減少少，留部分長線，但要平常心面對短期波動。

富途股價近期創近4年新高，回顧之前股價，在2021年開始持續下跌，當時股價下跌的主要因素，是中國監管，以及中國經濟轉弱。其實分析當中的財務數據及客戶數目，這企業業務發展一直都不差。

在2021年，中國央行高級官員表示，在中國大陸經營的跨境在線經紀公司的行為是非法的，並指出富途指導潛在的中國客戶在香港開戶，富途股價開始持續下跌。

2022年，2023年再有不同的監管。

去到2024年，中國對富途的監管已大致明朗化，富途更明白當中的遊戲規則怎樣，反而有利業務之後的發展，而投資者只要用這刻的業務情況去分析就得。

如果以現時富途業務分析，整體正面，營業額由2020年的33億港幣，增至2024年的136億港幣。盈利亦由2020年$13億港幣，增至2024年的54億港幣，增長快速。

相信未來1、2年的，富途客戶受惠海外市場，將會保持增長，之前富途宣佈，繼在美國、新加坡、澳大利亞和其他市場拓展業務後，其海外子公司會發展加拿大業務。

你可長線，耐心等業務發展，同時平常心面對短期股價。

------------------------------------------------

Q43191：

你好，我有少少股票上既事，想向你請教

7552我2.2 入手，依家1.458，股市一直係咁升，到底我應該放手，還是繼續持有？

7500這個3.15入手，到現在......

另外建行939 (現價8.38)，騰訊700(現價552) ，仲有無上升空間，應唔應該入手？

龔成老師︰

7552、7500這類反向金，大方向要賣出。
同時提翻你，要預測股市走勢好難，之後不要再預測。

XI二南方恒科反向（7552）投資目標是提供在扣除費用及支出之前，盡量貼近恆生科指每日兩倍反向表現（-2x）的每日投資業績。

如果指數跌1%，你就會獲利2%(另扣管理費)。但若然指數向上，你就會虧損。

我對這類產品有保留，科指雖然在最初成立後反覆向下，但原因是最初成立時較貴，以及監管因素，但近期相關風險已減，指數長遠好大機會反覆向上，所以長遠計持有這股對你"不利"，一定多於"有利"。

ＦＩ二南方恒指（7500）跟7552同樣情況。

佢投資目標為追踪恒生指數每日兩倍反向表現（－２ｘ）的投資業績。

即是恆指升佢就跌，恆指跌佢就升，同時有槓杆成份，會將風險與回報放大，投資這類工具，要好小心風險，同時要準確預測短期股市走勢，並不容易。

所以，長遠你7552和7500都要沽左佢。如果你貨多，慢慢分段沽，去平衡風險，長線不要再用"反向"或者有"槓桿"架產品。

至於建行(0939)和騰訊(0700)有長線投資價值，可以長線持有。

不過，前者係收息股，主要係收下息，增長力唔會明顯。後者則是增長型股票。

如果你係偏年青，應以增值為主。相反，你近退休之年，則建議收息股為主。你可以因應自己情況，長線去調整組合配置。

我建議你睇翻以下Youtube影片，相信會對你有幫助︰
https://www.youtube.com/watch?v=7Vu3VKKQrLk

------------------------------------------------

Q43192：

想問2388好定836好？

龔成老師：

你預2388較穩陣，836風險高少少，潛力也較高。

中銀香港（2388）長遠仍有質素，是收息及平穩增長類的股票。

這股近年股價較弱，除了市場擔心香港影響影響業務與壞賬外，香港樓市回落令負資產增加，都會對這銀行有影響，因為中銀在香港的按揭市場業務有一定的市佔率，因此當樓市轉弱，市場都會擔心這方面出現不利風險。

不過，這企業長遠的質素不變，投資者在分析時，也應該著重企業的長期發展，而不是短期情況。

在中長期，經濟會慢慢好轉，樓市會穩定，因此，這企業仍會慢慢好轉的。

銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理中間，分注投資，長線持有可以。

------------------------------------------------

Q43193：

龔老師，多謝你介紹ge 3110，我24.9買入4000股，現價升得幾高，想問我繼續擺係到收息定係賣左佢好呢？

另外1211無貨的話幾時入會比較好？

龔成老師：

3110是不錯的收息基金，從大方向上，你可以持有，長期收息，除非你買了過多貨先考慮減，否則，你持有就得，現水平未貴。

至於比亞迪（1211）業務發展理想，研發不斷進行，汽車賣得好好，電池技術發展得很好，行業前景良好，企業長遠發展正面。

現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。

現價約在合理區中間，由於一手入場費較高，可考慮小注月供可以。

如果想一手手買，就要睇你資金情況，如果你只得一注資金，建議等佢回翻多少少先。如果有多注資金可分注，現價已可以買入（但要留意，這股佔整個股票組合，最好在15%以下）。

如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。

------------------------------------------------

Q43194：

老師，想問00020 商湯的分析？

龔成老師：

商湯集團（0020）業務都有發展，但要留意政治風險。同時業務都有一定的風險。

佢係一家專注於計算機視覺軟件的人工智能軟件公司。根據報告，佢為亞洲最大的人工智能軟件公司，市場份額為中國最大的計算機視覺軟件提供商。

軟件平台的客戶數量合計已超過2400家，同時還賦能了超過4.5億部手機及200多款手機應用程序。集團並擁有8,000多項人工智能專利及專利申請。

佢專有的人工智能基礎設施SenseCore，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。

長遠來說，佢的技術應用將會更多，有發展力。

不過，美國已對佢進行打壓，相信之後仍會面對一定的政治風險，這對投資者來說都是一個較大的不確定因素。

因此，這股都有長線投資價值，但由於政治風險，因此不建議投資太多。

------------------------------------------------

Q43195：

龔sir, 想問1828富衛集團。分析

龔成老師：

富衛集團（1828）是一家泛亞洲人壽保險公司。

這保險公司採用多渠道分銷模式，投資於數碼基礎設施及數據分析能力，並擴大合作及轉介機會。集團的分銷渠道包括銀行保險、代理人、經紀╱獨立理財顧問及其他。

集團業務遍佈香港及澳門、泰國及柬埔寨、日本及新興市場包括菲律賓、印尼、新加坡、越南及馬來西亞。根據NMG的資料，集團於2023年為東南亞市場按年化新保費計的五大保險公司及頂尖銀行保險公司。

截至2025年6月16日，集團建立了領先的東南亞銀行保險平台，擁有八個獨家合作夥伴。於2024年，集團在百萬圓桌註冊會員人數方面於全球跨國保險公司中排名第六位。截至2024年12月31日，集團擁有超過2,900名保險經紀及獨立理財顧問合作夥伴。

集團將主要產品分類為分紅人壽；非分紅人壽；危疾、定期人壽、醫療及附加保險；單位連結式壽險；及團體保險及其他。

企業都有質素，業務有長遠平穩增長能力，但就未必高增長類，由於新股上市較難計算平貴度，因此，雖然這股都有投資價值，但暫時不建議太大注。

------------------------------------------------

Q43196：

老師，中芯國際可以長揸嗎

龔成老師：

可以。中芯國際（0981）業務有增長力，算是有風險有潛力類。但政治因素成為風險，因此投資時要留意這點。

分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

由於美國及其盟國對中國高科技限制，預期會持績，因此中國企業將會更依賴中國的科技企業，只要這些企業如中芯不太差，同時技術有進步，都會為其帶來一定的生意。

中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。

但投資者要留意，政治因素成為風險，因此投資時要留意這點。這股不建議大注，現價約在合理區中上，如果投資者睇好，要分注，同時以長線眼光去投資這股。

------------------------------------------------

Q43197：

龔sir,想問VOO/QQQ/NVDA（長線5年以上，三揀二），MCD/KO(長線5年以上，二揀一）你會點揀？謝謝????????

龔成老師師

VOO/QQQ/NVDA
長線5年以上，三揀二，你可選VOO+QQQ，因為較穩陣，其實NVDA的增長力較高，不過個股一定較ETF風險高，所以你可以優先考慮：VOO+QQQ。

MCD/KO，其實好接近，如果要強行選，MCD

------------------------------------------------

Q43198：

一直有月供盈富基金，已經供了六年，請問現價應放一半獲利，還是繼續持有呢？

龔成老師：

要睇盈富佔你組合比例，如果比例不多，你可全部持有。

如果比例多，可以減部分，留部分。

你分析的重點，不是獲利多少，而是你組合的配置，盈富、其他股、現金的比例。

------------------------------------------------

Q43199：

龔生您好。我今年42嵗。

收入不穩定。只有現金110萬及股票約30萬，包括中銀香港、小米、VOO及巴郡。請問持股金額是否足夠？

我想再買入一些股票作長線持有，請問有哪些值得買又現價合理的推介？另外，我想60嵗退休，每月有3萬元被動收入，請問本金需要有多少？又每月要投資多少錢以賺取所需本金？謝謝你。

龔成老師︰

若你希望退休後，每月有3萬蚊現金流，以股息率6%計，你需要本金600萬。因此，我地要以這600萬作為目標，透過一些有增長力的股票，去累積這筆資金。

到你退休時，再將這些有增長力股票，換成為收息資產(如收息股、年金、債券等)，去創造你需要的3萬蚊現金流。

以現時市況計，我建議保留現金水平，大約2-3成好了，否則會過於保守。

不過，係投資之前，我建議你先預留半年至一年生活開支，作為應急錢。畢竟你收入不穏定，咁做會較為穏當。

至於現有持股，係可以長線。不過全部現價都唔平，有貨就最好等回調才再慢慢加注。

未來時間，你可以用「平穏增長股」和「潛力股」作為組合。你每月5成儲蓄做月供，其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。

餘下的另一半現金，我地就等機會，當大市出現較大回調，就加大力度掃貨，然後作長線投資。

至於手上資金，扣左應急錢之後，都可以將"部份"慢慢咁分注落去上述股票，去加大持股比例。

我假設投資回報有10%（連股息再投資），你每月投資$12000 + 現有140萬，10年後大約會增值至600萬。你可以以此作為參考，去調整你的投資計劃。

------------------------------------------------

Q43200：

龔sir 你好，又有幾個問題想請教你:

1. 請問3067 (安碩恒生科技)，3088(華夏恒生科技)，2828(恒生中國企業)，哪個較值得投資？
2. 請問9988(阿里巴巴) / 3690(美團) ，哪隻前景較好？
3. 另外，如果只投資一隻收息股，你會建議是哪隻股票？
4. 你會看好哪一隻是下一隻爆升股？
5. 美股方面，UNH / ARKK / XOVR 哪個較值得投資？

龔成老師︰

1) 其實3隻都可以，3067和3088持股係一樣，但2828你就上網睇翻，去決定投資邊隻。

2) 其實2隻都各有各好，好難比較，但潛力度和現價計，阿里(9988)會高少少。

3) GX恒生高股息率（3110），是一個投資收息股的基金，追蹤恆生高股息率指數之表現。這指數投資一些在香港上市，大型的企業，加上要有一定的派息的上市公司。

基金有50隻成份股，以下是基金部分持股：

中國飛鶴(6186)、恆生(0011)、中海油(0883)、農行(1288)、平安保險(2318)、電訊盈科（0008）等。這基金雖然收息組合，但增長力不強。

另外，由於基金持股集中在中國企業，投資者不能只持有這基金，最好視為收息股的其中一員，如果投資者低風險，宜同時持有其他的低風險、收息工具。現時算是合理區中間部位，可以分注投資，長線持有。

可以上基金網站有介紹的
http://www.globalxetfs.com.hk/funds/hang-seng-high-dividend-yield-etf/

4) 其實都有唔少潛力股，係有咁架機會，不過當中唔少都升左，例如小米(1810)、Coinbase之類。

你問我而家仲有邊隻可以再爆升，暫時睇唔倒。

同埋，投資係一個平衡配置架過程，唔好諗住集中買晒1,2隻最有潛力架股票，搏佢爆升就算。因為如果搏唔倒，通常都會有災難性架損失。

5) 聯合健康 UnitedHealth Group Incorporated（UNH）之前架問題未必完全解決晒，建議再觀察佢最尾成件事結果先再決定。

另外2隻，都有投資價值，你可以睇翻佢地持股決定。但記住，佢地都係風險高的類別，不宜重注。

----------------------------------------------

若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

以下是最新課程資料，已經接受報名：
★9月進階班
★11月港股班

【進階班】

日期：2025年9月5，12，19，26日
及10月3，10，17，24，31日
及11月7日（逢星期五)
時間：1900-2200
地點：灣仔
費用：$18800（新學員）
股票班舊生優惠價：$12800
報名：https://www.80shing.com/register.php?id=3

第一課：必需掌握的經濟與行業關鍵
第二課：企業價值與高息股投資術
第三課：活用財務比率尋寶術
第四課：年報拆解技巧進階
第五課：尋找資產隱藏型企業秘技
第六課：利用平貴把握最佳買賣時機
第七課：必學18種企業估值模式
第八課：實用大行報告尋寶術
第九課：10倍股選股術(上)
第十課：10倍股選股術(下)
**附加資料：合共超過400分鐘的溫習影片

---------------

【港股班】

日期：2025年11月1, 8, 15, 22, 29，12月6, 13, 20日(逢星期六)。時間：1500-1800
地點：灣仔
了解及報名：https://www.80shing.com/register.php?id=1

第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片