【龔成問答信箱】（Q43541-Q43560）

Q43541：

老師，通常一只優質股如果價格較高，你都會建議如果無貨可以買入少少長線持有，如果有貨可以等回落先再加持，咁係等待回落嘅呢段時間，閒置出來嘅資金可以點處理？

因為如果呢只股票一直繼續升而無回落，咁資金放係度係咪浪費左佢增值嘅機會？

龔成老師：

最重要分析這刻的平貴度，如果企業質素中等，現水平已接近貴，就不會買。

如果高質，同時長遠發展力強，如果這刻已經接近貴，都有機會買少少貨，之後回落再加注。

你最重要分析「這刻做怎樣的配置」，才可以令自己的財最有效增長，因此，之升升多少不是重點，這刻是否已貴，這刻是否有投資值博率，才是最重要！

------------------------------------------------

Q43542：

sir, 如果投資ETF，月供，買SPLG + VEU，係咪好過只買 VT / VOO ?

龔成老師：

都有道理的，但都要考慮好SPLG 及 VEU的比例，因為如果以全玻市值計算，美股市值會較高，企業質素也較高。

------------------------------------------------

Q43543：

龔sir，想買10萬3466收息，每月派息，但係富途見到股息率2.16%？條數應該點計？

龔成老師：

因為佢成立不久，只派了幾個月息，如果以幾個月息以以股價，就未能反映全年的股息率回報。恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。

此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
不過，大家要記住，選擇收息股最重要係質素，唔係一年派幾多次息。如果你係要每月收息，其實將全年股息集埋，自己再分配成12份就可以。

至於此ETF，主要係投資於金融類股份，佔接近4成，其次是佔約2成的地產建築業。

當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。

此股可作收息之用，現價合理，可分注儲貨。

------------------------------------------------

Q43544：

如果想學習建立自己的資產組合，應該從哪個開始較好？

龔成老師︰

我地做財富增值，最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？即是你想設計一個怎樣的投資組合？長期、優質、平衡、適合你。

總括而言，我地會因應年紀、投資經驗、風險取態，去選擇一些合適的股票。(例如年青人、有經驗，可以較集中增長型優質股。)

之後，再進行平衡配置。

個別地區，不要高於組合70%。而個別企業和行業，不要佔組合15%和30%以上，否則會有過度集中性風險。(盈富和VOO這些指數ETF，由於係一籃子組合，故不受企業和行業限制。)

在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。

以下是建立組合技巧影片，你可以參考下︰
https://www.youtube.com/watch?v=7Vu3VKKQrLk

------------------------------------------------

Q43545：

我入咗一注939 收息
我想入多注1810 $50-50.65

6955 是否值得投資

龔成老師︰

1810你睇自己比重，現價唔係平，唔好太進取。買少少好了。

博安生物(6955)主要從事生物製藥業務，專注治療領域包括腫瘤、代謝、自身免疫及眼科等。

雖然收入多年都有增長，但到上年才剛開始收支平衡，故不確定性依然偏高。

加上行業本身高風險，故投資可以，但只能小注。

------------------------------------------------

Q43546：

老師，如果想用hkd20-30萬投資美國債券/美股/以太幣，應該點去分配？ 想穩陣但都有利潤,邊幾隻可留意？

龔成老師︰

以你年紀，依然可以以增值，作為主要方向。

債券主要係收息，比較適合退休人士。

而以太幣，佢係有潛力，但不未來發展架不確定性都好大。而且，佢屬性唔同比特幣，要分析佢長線潛力複雜好多，因為佢需求主要來自真正區塊鏈應用。如果你唔識，唔建議投資，最多極少注碼咁入就算。

若你係想追求平穏增長，可以用「平穏增長股」。

若你不會估值，建議用月供去儲貨，平衡買貴貨風險。現在你每月先用5成儲蓄做月供。其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

餘下的另一半現金，我地就等機會，當大市出現較大回調，就加大力度掃貨，然後作長線投資。

以下是有關"平穏增長股"的影片，你可以參考下︰
https://www.youtube.com/watch?v=YJdE6xyUXS0

------------------------------------------------

Q43547：

你好, 想向成哥了解怎樣才可以財務自由

我擁有我個寫字單位
580萬full paid(每個月淨租金收入$13500)
350萬full paid (每個月淨租金收入$10500)

另外兩個物業
720（欠379萬）(每月供 $16000左右)(還有26年)
310萬（欠155萬）（租咗出去11,200，每個月供$11000，加埋管理費每個月俾$1000左右，13年供完)

手持股票 105萬（不過剛剛獲利回吐 現變成現金)
（等緊股票調整才購入高息股：目標是：置富，中國移動，建行，港鐵，領展；有風險的就是：比亞迪電子，中芯國際，港交所，小米）

現金230萬(如果計埋股票剛剛變現的，應該大概有300幾萬)

每年收入:250萬-330萬(做生意)

現在上財務自由，所以有什麼方法呢？
我有三個方向
第一購買寫字樓舖頭，因為做生意有需要用到
第二購買樓宇物業收租, 好像現在有啲小價樓二百幾萬，收一萬蚊租
第三買股票

現在想才能自由，想每個月有10萬蚊的被動性收入
那個方法最適合我，謝謝你
謝謝你成哥

現時36歲

龔成老師︰

若你希望財務自由後，每月有10萬蚊現金流，以股息率6%計，你需要本金2000萬。因此，我地要以這2000萬作為目標，透過一些有增長力的股票，去累積這筆資金。

到你財務自由時，再將這些有增長力股票，換成為收息資產(如收息股、年金、債券等)，去創造你需要的10萬蚊現金流。

你現時總資產不足以財務自由，所以未來時間，以增值為主。

<<物業>>
我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。

所以，再投資香港物業不是一個理想做法。再加上，你已經太集中物業類，有過度集中性風險，故未來大方向物業類資產不要再增加(自用除外)。

<<增值方向>>
未來時間，你資金可以集中係優質股和生意上，去為自己做增值。至於比例，主睇你生意長線架看法。

因為一門生意營運得好，長線架回報係可以明顯高於優質股。所以，如果你自問自己盤生意係有發展，資金應優先預留給生意部份，優質股則視為輔助和分散投資之用。

<<優質股增值方法>>
優質股增值方面，策略上，你可以投資「平穏增長股」和「潛力股」。現在你每月先用5成儲蓄做月供。其餘先儲起，用一邊月供一邊儲蓄的策略。

選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

現時大市大致算在合理區中至中上(港股)和上部(美股)，你現有萬資金可以先投入40-50萬，用"分注"形式，慢慢買貨。餘下資金和每月所儲到的資金，就等大市出現回調，才"慢慢"分段加注，然後長線投資。

以下是有關"平穏增長股"和"潛力股"的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU

<<其他>>
投資前，緊記先預留最少半年一年生活開支(同時保留足夠生意營運用現金流)，才好開始。

------------------------------------------------

Q43548：

首先多謝老師回覆,我盡量簡短說一下...

小弟今年32歲,學歷唔高,人工只得一萬八千元一個月,返星期一至五Office hour,現因債務問題陷入一個惡性循環,很希望尋找方法解決:

- 於2022年失業時申請了政府百份百擔保的貸款共$100,000 , 現每月還款$2,430.

- 另有一筆大X財務的債務,每月還款$4,040 , 還款期到2027年尾.

- 每月家用不多,$3,000而已 , 另外加租金和家人分擔,每月$1500 (幸好是公屋)

- 每月其他月費開支: $1,000 (電話費+家庭上網費)

- 信用卡有兩張,一張欠$12,000 , 一張欠$8,000.

- 只計算以上支出(不計信用卡),每月$12,720 , 而因生活需預留金錢,信用卡的數一直都清唔到.

- 每年醫保+危疾$9,000 , 除開每月$750

- 以往有吸煙習慣,現在戒煙中,約戒了4個月

我是從事IT的支援類別,不透過進修的話,工資加幅有限,現只能靠每年的公司資助讀一些短Course.

小弟暫時對於解決債務問題無從入手...可以說是沒有想到太多利好的因素,
唯一近期可能幫到手的,是成功考了的士牌,亦準備於上完職前課程後,於星期六及公眾假期,或者於年假時期當兼職的士司機幫補一下,
不過我暫時對行業未熟悉,難以計算每月大約兼職收入,但別無他法,唯有見步行步.

整件事的成因是來自少不更事,現希望盡力補救,還望老師能提供一些意見,非常感謝

龔成老師︰

你先從最高息的借貸入手(應該是信用咭)，還款時優先處理。就算不能馬上清晒，都要試下可否將其轉移至其他較低息的貸款計劃。

同時間，你都要考慮自己每月現金流，從還款和生活中取個平衡。

另外，開源節流方面，我相信節流已經無太大空間，但你要嘗試開源，網上小生意、兼職之類(開的士是一個選擇)。

總括而言，其實你大方向已經處理得好好，係貸款計劃上可以睇下有無可以優化架地方，從而減少利息開支。

最後，你要明白問題唔係可以短時間解決，但只要向正確方向走，就一定會成功。

記住唔好貪快走捷徑，我見好多類似你架個案，為左想快點解決問題，就走去短炒，甚至賭錢，最終問題愈發愈大，所以你唔好跌入而個陷阱。加油!!!

------------------------------------------------

Q43549：

你好龔sir！我報左你進階班黎緊9月會再見面 不過我唔太敢搵你本人問XD , 所以決定私下私訊你

我既情況係咁, 我同老公上年結婚買樓 我既計劃係我地結婚去排公務員宿舍(我老公係公務員) 然後將呢層買既單位出租，等租客幫我地供 (唔賺/賺少少都無所謂，只想盡快出租單位，我地相對付出少少成本就可以擁有一層資產

但係即使E+對借9成出租情況已經放寬好似依然好難申請到銀行批准, 所以想請教下具體可以點做？

我地應該今年11月就可以入住宿舍, 呢層物業我地打算可能12月 / 1月執修好就放出去

而我想放租比內地港漂人士 (因為識得一D港漂話黎香港搵樓住係佢地港漂界競爭好大), 我原本打算叫老公去睇醫生, 因為佢工作會有追更加上係現時住既地方去工作地點交通來回要3小時以上
所以經常因為睡眠不足而頭痛, 我叫老公去睇醫生

然後向銀行申請理由就係：因為工作理由身體已經出現不適 (+提供醫生紙證明)，所以想係工作地點附近居住然後放租現時物業
(但我老公話批核可能性唔高)

希望老師可以幫幫忙解答
感激萬分！

龔成老師︰

出租物業，因為以往按揭成數要求不同，故現時做法是不一樣。

現時放租物業的最高按揭成數為70%，自住物業可透過按揭保險將最高按揭成數擴大至90%，但放租物業並不符合按保資格，只能維持7成按揭，我相信按揭成數是銀行不批的原因。

坦白講，現時都無特別方法，只能盡量滿足銀行要求，調整按揭成數。

同埋，我唔太肯定你保留物業原因。如果你係未來會住翻，咁保留係可以。但如果係為左投資，我就有少少保留。

我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。故物業投資長線價值，只是一般。

所以，你應該優先考慮，最終這個物業是否值得持有，才考慮出租問題。

進階班見!!!

------------------------------------------------

Q43550：

老師，你本《80後千萬富翁》內容非常豐富，睇咗一段時間都未睇完。當中講到劏鋪嘅段落，我特登上網睇返新聞。

最近好多末日博士話香港樓價就嚟大跌七八成，但係我睇返你本書入邊教如果租金頂得住，樓市唔會暴跌，都係非常有用嘅知識。

龔成老師：

其實近年住宅租金向上（不過寫字樓及商鋪就弱），當樓價下跌時，住宅租金回報率否向上，因此，除非再有重大不利因素，否則樓市已穩定，好難大跌，不過，也較難如過往年代般大升。

------------------------------------------------

Q43551：

老師，多謝你一年前教我斬晒啲垃圾股，我而家個户口得返恆大一隻係紅色咋

龔成老師：

太好了！

總之你記住，我地最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

------------------------------------------------

Q43552：

你好老師 。如果我真係依家想買一些股收息長線 現在可以買那些呢？ 謝謝你????

龔成老師：

你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。

3110可以視為收息股的組合中其中一員。這基金可投資的，現價合理，可分注。佢是投資香港大型，派息較高的上市公司。

這是不差的收息組合，但增長力不強。

------------------------------------------------

Q43553：

龔Sir, Hi，我想請教你，如果我為孩子供股嘅話，有冇什麼股票可以介紹？ 需要高增長，因為是長遠的!

龔成老師：

最好考慮指數基金，例如3067、QQQ都是有增長，同時有質素，可長期月供。

不過，由於高增長會承受一定風險，反而建議你考慮平穩增長，風險中等的基金，例如2800、VOO，會更適合小朋友，長期月供。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

盈富（2800）這是一個「平衡組合的工具」，當中有80隻恆指成份股，對股票組合有平衡作用。

同時，你預是一個收息及平穩增長類基金，雖然不是高速增長，但就適合大部分投資者。

------------------------------------------------

Q43554：

龔sir,請問2388,66,1038,依家邊隻值博率高D或回報高？

龔成老師：

如果想收息及有基本增長，可考慮2388。

如果想收息較多，可考慮66、1038。

中銀香港（2388）長遠仍有質素，是收息及平穩增長類的股票。

這股近年股價較弱，除了市場擔心香港影響影響業務與壞賬外，香港樓市回落令負資產增加，都會對這銀行有影響，因為中銀在香港的按揭市場業務有一定的市佔率，因此當樓市轉弱，市場都會擔心這方面出現不利風險。

不過，這企業長遠的質素不變，投資者在分析時，也應該著重企業的長期發展，而不是短期情況。

在中長期，經濟會慢慢好轉，樓市會穩定，因此，這企業仍會慢慢好轉的。

銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理中間，分注投資，長線持有可以。

------------------------------------------------

Q43555：

sir, 你認為若果美股ETF，SCHD 及 NOBL ，哪一個較優質及哪一個更加適合月供？

如果 75%買 VT, 25% 買 SCHD/ NOBL 這個組合可以嗎？

龔成老師：

你可考慮75%買 VT, 25% 買 NOBL，已經是一個簡單，有質素的組合，可長線月供。

VT（Vanguard Total World Stock ETF）有長線投資價值。

基金採被動式(或稱指數型)的管理方式，以追求FTSE Global All Cap Index表現為投資目標，該指數包含成分股為約數千隻檔分散於數十個國家的股票，這些國家包含已開發國家與新興市場國家。

基金投資標的抽樣自FTSE All-World Index，故會與該指數具有相似的特性與風險。

見佢最大持股都是全球大企業，有一定的投資價值，可長線。

------------------------------------------------

Q43556：

龔Sir, 請問美股SOFI如何？謝謝

龔成老師：

SoFi Technologies Inc（SOFI）係一家以會員為中心的數字金融服務公司。

呢間公司允許會員借貸、儲蓄、消費、投資和保護他們的資金，佢開發了金融服務平台，為會員提供滿足他們金融需求的產品。

SoFi運營三個業務部門：貸款部門、金融服務部門和技術平台部門，部門提供多種貸款產品，如學生貸款、個人貸款和住房貸款。

佢的金融服務部門提供金融服務解決方案，包括SoFi Money、SoFi Invest、SoFi Credit Card和SoFi Relay產品的現金管理和投資服務，當中的技術平台部門經營技術平台服務Galileo和清算經紀服務Apex。該公司的移動應用程序可在iOS和安卓上使用。

業務增長力雖然都有，會員增長理想，但睇翻過往的財務數據，又未見好強的增長，相信去到較好賺的情況仍要時間，當然，潛力度都有的，但以現時的平貴度分析，投資值博率未算好高，基本來說，小注投資可以。

------------------------------------------------

Q43557：

老師早晨！有好消息话比你知，我好開心????好開心????儲蓄及投資户口总值突破2佰万啦????????

我係2022年中(個年户口70多万元)比着自己一個5年儲2佰万的目標，我睇返7月31日的月结單净值有229万多元????????多謝老師一直以來的鼓勵。謝謝！！

龔成老師：

太好了！恭喜晒呀，這是你努力的成果！

之後都要做好理財，保持知識與富的增長！加油！

------------------------------------------------

Q43558：

哈囉，龔成！
6823 派息後跌了好多，現價加注可以？
定等佢再跌下先？

龔成老師：

短期波動好正常，你如果本身貨少就現價加少少，貨多就不要加注，始終現水平並不便宜。

香港電訊（6823）長遠有質素，是不差的收息股。

佢是香港的固網、流動通訊及寬頻服務的綜合服務供應商，提供本地電話服務、本地數據及寬頻服務、國際電訊服務、流動通訊及其他服務。佢亦透過中盈合資公司，向中國的電訊營運商提供網絡整合及相關服務。

綜合來說，可以用「業務穩定」去形容這企業，整體的業績不差，但又沒有特別驚喜，整體業務穩定。

另外，佢用全派息的政策，即是賺幾多派幾多，所以派息比率會高。只要佢之後保持賺錢能力，派息就能保持。這股可長線的。

------------------------------------------------

Q43559：

長線持有股票，不賣出
可以達到複息原理？

龔成老師：

可以。

因為長線持有股票，原理就是持有企業，優質企業不斷成長，當企業賺了錢後，有部分會投入企業發展，令增長持續，產生複息原理。

------------------------------------------------

Q43560：

午安 龔老師，請問 協鑫科技（3800）可作長線投資嗎？

龔成老師：

保利協鑫能源（3800）風險較高，過往業務不穩，較受外在環境、資源價格等因素影響，風險高。

這企業主要為光伏行業製造多晶硅及硅片；銷售電力；開發、投資、管理及營運光伏項目。

要留意，過往曾經有核數師請辭，反映企業質素及財務數據方面，會存有風險。

盈利的波動好大，這企業受多晶硅價格影響，而價格其實可以有好大變動，令投資這股都有風險。如果不能承受高險，不建議投資這股。

如果投資者明白風險，只建議小注投資。

----------------------------------------------

若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。