【龔成問答信箱】（Q44881-Q44900）

Q44881：

您好 我經您嘅意見 每月供款1.5K落QQQ 依家24歲 已經累積約300K連盈利約50K 現金同之前一樣都係130K 想問依家財產分配健唔健康呢？

第二 我依家扣除每月供款同家用後 係不足我日常生活 大概超出1-2K左右 請問我應唔應該繼續以餘下現金抵消 直至加人工 或者應該降低供款額呢？

第三 因為市道差 我嘅收入兩年嚟只係加咗一次 月入21K 我嘅財產應該點樣應對之後結婚 買樓嘅壓力呢？

唔該！

龔成老師︰

現金和持股比例，係可以。

但具體你組合是否健康，還要睇你配置。以你24歲，應以增值為主。

QQQ係適合，但如果你只係得佢一隻，咁就有問題。因為佢係潛力股，本身風險高，就當你係有經驗投資者，都不宜佔組合一半以上。若經驗淺，比例要再下調，長線應以"平穏增長股"，去到作為主力。

平穩增值股︰
如指數基金由於是一個組合，因此在平衡風險方面較好，好似美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。

其次，你唔好集中晒係美股，個別地區長線佔組合比重，不宜高於7成，所以點都要有些港股或其他地區股票。

至於個人理財方面，你最好每日記帳，睇清楚有什麼地方架支出，可以進一步節省。因為長線負現金流，對你好不利。或者可以做兼職或小生意，去平衡收支。

最後，長線規劃方面，你要想方法令自己進步(工作和投資)。睇下點樣，可以令自己收入"長線"更有效咁提升。同時，做好投資增值。

你還年青，人工和投資回報未理想，係合理。只要你規劃做得好，長線自然會趕上你目標。

加油!!!

------------------------------------------------

Q44882：

年尾小米有無機會上返大米????

龔成老師：

不預測，也不重要，因為我地最重要睇「企業長期發展」，而不是「短期股價」。

坦白講，這股短期面對中國車市競爭加大，有機會決動，但長遠正面，這股我買入5年，一股無減，應該會持有多5年、10年，短期股價從來不理。

------------------------------------------------

Q44883：

呀sir 想問問COINBASE 樂唔樂觀????

龔成老師：

無論是幾年前股價跌到$40，還是早前$400，還是現時股價，佢的情況都無變。你一定要學懂分析企業，而不是睇股價，坦白講，這股風險高，如果你無法平常心，建議你賣出！

Coinbase Global Inc（COIN）雖然有獨特性，但真正的長期價值有多少，根本好難估。

佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。

近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。

不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。

未來佢架投資價值，就要完全睇翻佢業務和市場發展。

至於它的業務價值，要分析就要睇翻虛擬貨幣長遠發展。

近年佢都開始加大業務範疇，去令收益更多元化。此外，穏定幣應用愈來愈普及，都會對佢架收入有所幫助(因為Circle會有分成比佢)。

再加上，美國對加密經濟政策漸漸明朗化，都係利好佢發展架原因。

不過，大家要明白佢收入來自業務表現，所以長線股價走勢未必一定會同幣價一樣(有機會更高，或更低)。

同埋，始終成個加密經濟好新(雖然已經比多年前成熟)，但本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知。

長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。

因為分析長遠是否好多人用，是非常困難，因此，當中存有相當的風險，當然，潛力同樣都大。

你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。

投資時，緊記要控制注碼，只能投放一個輸左都唔會明顯影響組合的比重，之後長線持有，咁就可以了。

------------------------------------------------

Q44884：

想請問0005

龔成老師：

匯控（0005）近年的業務有持續好轉情況。

整體來說，匯豐長遠仍是有質素有發展的企業，不過，銀行業的賺錢能力比過往年代減左，因此不能視為高增長股，但當經濟不差時，始終都會有錢賺，因此都有投資價值。

相信長遠是收息股，但股價增長就未必太強。

這股都有投資價值的，但都不能持貨過多。現水平約合理區中上，作為收息及少少基本增長，這股有長線投資價值。

------------------------------------------------

Q44885：

龔sir, 想請問3416, 3417, 3419依類型的ETF值唔值得/安全投資, 請問那裡可查到收費, 驚收費會貴, 因是每月派息, 謝謝龔sir????

龔成老師：

這3隻並不是傳統類的收息ETF，你要明白風險，而這3隻都是類似模式，所以以下講一隻都得。

ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。

由於這ETF運作，並不是無風險，所以，高息是否保持，無人知，同時要明白有價格波動。

由於這ETF成立時間不算長，而這段時間，港股大致是向上的。

但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。

我並不是說不能投資這ETF，而是要明白上述的風險，同時在注碼上不宜過多。

有關這基金的收費等資料，你可以在官方網站見到：

https://www.globalxetfs.com.hk/zh-hant/funds/hscei-covered-call-etf/

------------------------------------------------

Q44886：

老師，1498，應該為人熟悉的名字，在中醫診所一般都有用，亦有自家品牌開的診所，又是藥業，為何股價這麼低，冇息派呢？

龔成老師：

因為品牌有人認，與有無生意，生意是否賺錢，並不是等號。

培力農本方（1498）業務波動，盈利上落大，近幾年生意都有下跌情況，反映市場競爭，以及消費模式改變，近4年都出現虧損！投資價值不高。

企業的產品未見有明顯優勢，整體發展力只是一般。現時唔太建議投資。

------------------------------------------------

Q44887：

龔Sir, 您好3988 中國銀行 $3.01有貨，要不要止賺還是繼續收息？謝謝！

龔成老師：

這股是不差的收息股，從大方向上，會建議你長線持有收息。

除非你持貨多才減部分，或者你投資目標不是收息，就可以考慮轉其他。

中行（3988）由於內地經濟無過往年代咁強，股價增長力不強，不過，作為收息股，仍是不差的。

近年中國的經濟及內房負債問題，令到市場擔心，內銀的壞賬問題，並影響之後的派息。

其實，內銀的壞賬問題也不是今天的事，股價在估值方面，已經反映了相關因素，同時由於中行規模大，以及過往壞賬控制算是不過不失。

以長期及整體的角度分析，中行本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價區中間，但不要對股價有太大期望。

現時市盈率5倍，股息率6%，仍有投資價值，同時低市盈率，已經反映了一定程度的壞賬問題。而最新的財務數據，也未有嚴重惡化的程度。

------------------------------------------------

Q44888：

請問老師，你除了小米外，還有那些從不賣出的股票可以同大家分享?

龔成老師：

英偉達公司NVIDIA (NVDA)是另一隻，我只買不賣，未有減持過的股票，持有幾年了。這股有質素。是《38全球倍升股》的其中一隻，長遠發展正面，有長線投資的價值。

佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。

其業務可應用層面，都相當廣泛，投資係可以。

但始終近年上升倍計，中短期股價仍會波動，現時大約在合理區中上，投資宜分注，同時要控制總投資比例。買入後，平常心面對短期股價，長線等企業有更大的發展。

------------------------------------------------

Q44889：

龔先生早晨，謝謝分析。另外百度都出了業績，這股票，可以繼續持有嗎？ 

龔成老師：

百度（9888）公布左2025年第三季度業績。

總收入：錄得人民幣311.7億元，按年下降7%。

淨利潤（非公認會計準則）：經調整後的淨利潤為人民幣37.7億元，按年下跌36%。

淨虧損（公認會計準則）：受人民幣162億元的長期資產減值影響，公司由去年同期的盈利轉為錄得淨虧損人民幣112.32億元。

業績只是一般，不過，這股的最大價值，是長遠的發展力，而部分業務發展要時間，所以不用太著重短期業績，這股如果你貨不是過多，可持有。但預佢短期有機會波動。這股有質素的。

------------------------------------------------

Q44890：

金山雲 vs 萬國數據 誰較值博？

龔成老師：

兩隻都是有潛力，同時有風險的類型。

你預金山雲潛力高少少而風險高少少。

以整體平衡度來說，可考慮萬國數據（9698），佢業務有一定的發展，但本身都有一定風險。

佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。

現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。

佢提供託管和管理服務，包括創新和獨特的託管雲價值主張，機房面積為266,260平方米，有一定的規模。

見佢生意有一定的增長，行業前景正面，只是這股業務本身較波動，又有政策風險，投資價值都有，現價合理中間，但始終業務有不確定風險，而及受中國政策影響，唔建議太大注。

------------------------------------------------

Q44891：

龔sir，现在月供有邊幾隻可月供？

龔成老師：

你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。

另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。

------------------------------------------------

Q44892：

有時覺得 股票買完又放 好累， 如果買得平，不如放係到算????⋯⋯岩唔岩？

龔成老師：

其實買股票的本質，就是買入企業長期持有，等企業成長，不要理短期股價，集中分析企業長期發展。

------------------------------------------------

Q44893：

小米有好業績，為何開市仍跌價？

龔成老師：

市場始終擔心現時中國車市競爭大，相信短期股價仍波動，但投資者一定要集中分析「企業長遠發展」，而不是睇「短期股價」。

------------------------------------------------

Q44894：

港交所前景好嗎？

龔成老師：

港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。

但要留意，由於這股的盈利會受股市成交影響，因此股價都會有影響。

早幾年成交弱，令這股近年股價較一般。到最近，港股成交好轉，這股股價向上。所以，你會見到佢股價十分波動。

投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。

現價合理區中間，分注可以，企業長遠仍有發展力，但短期會較波動，都要留意風險。

------------------------------------------------

Q44895：

請問成哥趁住而家量子/AI股退潮，將盈利轉化投資黃金或白銀ETF是否可取，如果投資白金或其他貴金屬ETF又如何

龔成老師︰

首先，你唔好個心態見邊度跌，就覺個D股票唔好。跟住見邊度升得勁，就將D資金轉過去，咁係好錯。

首先，股價跌，同佢有無長線投資價值，係2回事。

而升得好勁架資產，先唔講佢有無長線投資價值，而個時候好多時都唔平，你再入市，好多時輸錢架機會，係遠遠高於賺錢。

其實你現時最首要做架事，係提升投資知識，避免再犯而類散戶常出現架錯誤。

講翻你架提問︰

黃金/白銀，我地唔係用來投資，而係用來對沖極端架金融風險。大約佔組合2-5%就可以，最好用實體金銀。

由於目的唔係用來增值，所以你可以長線分注慢慢入，去作為組合中防守部份。

至於量子和AI，長線我相信係發展正面，但前者距離真正落地應用，還要時間。而後者，已經唔平，甚至部分股有少少泡沫。

如果你本身貨唔多，或者係睇好而個行業，願意比時間佢發展(當然，前提持有架要係優質股)，咁你可以持有。否則，就最好減少少，去平衡風險。

其實，最重要是「資產配置」，即是你不同類別都有，同時持有適當比例。如果AI股你較多，可考慮減部分，轉去黃金。但所有視點，都是長期性的。

------------------------------------------------

Q44896：

多謝老師 我現手上有兩隻美股 就是信英偉達 CRWV CoreWeave 30股

NBIS NEBIUS 10股 不知道這兩間公司狀況呢

龔成老師︰

CoreWeave, Inc.（CRWV）前稱為Atlantic Crypto Corporation成立於2017年，2019年變更為現名，總部位於美國紐澤西州利文斯頓。

原先公司從事加密貨幣挖礦業務，2022年停止加密貨幣挖礦業務，專注於發展雲端運算業務。

該公司為AI雲端運算服務公司，提供CoreWeave雲端平台是一個整合解決方案，專為以最高效能和效率運行模型訓練和推論等AI工作負載而設計，包括基礎設施服務、託管軟體服務、應用軟體服務等。

服務客群為全球AI實驗室、AI企業領導廠商，客戶包括
Cohere、IBM、Meta、Microsoft、Mistral、NVIDIA，其中Microsoft為公司最大客戶。截至2024年底，公司在美國及歐洲地區設立32座資料中心。

行業雖然有發展，但企業及業務仍是較新，企業是否在行業擁有很大優勢，仍有不確定性，當然，現時企業有一定客戶，反映企業並不是無質素，只是風險度始終較高。

因此，如果你睇好，小注投資都可，但就要明白風險。

Nebius Group N.V.（NBIS）是一家科技公司，是全球AI建築商的歐洲基礎設施和服務提供商。

該集團建立了完整基礎架構，以服務AI行業的增長，包括開發人員的GPU群集，雲平台，工具和服務的規模。公司在歐洲，北美和以色列有研發樞紐。

業務是有發展的，但始睇行業變化大，這刻未能確定這企業擁有長期優勢，如果有興趣，暫時只建議小注投資。

------------------------------------------------

Q44897：

老師你好 想問下近排AI美股大跌，現在可以長期持有嗎？ 目前英特爾，英偉達同特斯拉可以長持嗎？

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

我自己預期長線AI係有發展，但問題係相關概念股已經升唔少，當然可以再升，但回調機會就相對較高。

不過，最重要都係你持股，有無長線投資價值。

你到的3隻股票，都可以持有，但英特爾(INTC)質素相對低D，不宜持有太多。

至於NVDA和TESLA可長線持有，但你提到架股票，都係潛力股，故風險度較高。

當你係年青至中年人士，潛力股佔比最多係一半，若你較年長或者保守，比重要進一步下降。所以，係比重方面，你要睇下有無需要調整。

------------------------------------------------

Q44898：

成哥，請問小米公司基本面是否有變？自 10月車禍股價已狂跌30%，日日RSI超賣，完全冇技術性反彈，太誇張！

龔成老師：

RSI、技術性反彈都是無意義的分析，不用理，最重要睇「企業」。

佢之前汽車銷量好好，股價升好多，最近事故令銷量冷靜，股價回落，正常。而我地最重要分析，企業長遠發展，你仔細想想，現時佢是否會倒閉？好差，還是只是短期銷量波動？長遠怎樣？

這企業只用了幾年時間發展汽車，有現時成績，當然發展好正面！面對一些短期問題，也是正常，只要平常心就得！

------------------------------------------------

Q44899：

請問 0405 仲有無質素.. 跌左好多了 便宜嗎？

龔成老師：

越秀房產信託基金（0405）質素比過往減左。其中一個原因是2021年底進行的供股，影響了整個房託的質素，當時以100股供37供，影響了每一股的價值，都令這房託質素減少。

越秀房產信託業務為持有物業收租，物業有：廣州的白馬大廈、廣州越秀金融大廈、財富廣場、城建大廈、維多利廣場、廣州國際金融中心、位於上海的越秀大廈、位於武漢的武漢物業等。

這些物業不是無質素的，但對中國經濟較敏感，當中國經濟較弱時，租金及出租率都有一定的影響。

總結來說，這房託的投資價值比過往減少，不過就不是劣質，這是收息股，都有少少增長，相信中國經濟好轉才有較明顯的增長，如果投資者投資，都只建議小注投資，不宜投資太多，現價合理。如果本身持貨的投資者，如貨不多可持有，但如果持貨較多，宜減持。

------------------------------------------------

Q44900：

請問3416咁高息，有咩風險？

龔成老師：

ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。

由於這ETF運作，並不是無風險，所以，高息是否保持，無人知，同時要明白有價格波動。

由於這ETF成立時間不算長，而這段時間，港股大致是向上的。

但佢始終未經歷過港股下跌週期，未知做成點，所以這個是最大風險（到時派息會否大減？價格會否大跌？無人知）。

我並不是說不能投資這ETF，而是要明白上述的風險，同時在注碼上不宜過多。

----------------------------------------------

若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。