港股美股，第二季最新分析

2月尾，美國以色列攻擊伊朗，令到中東局勢全面升溫，伊朗封鎖全球能源命脈之一架霍爾木茲海峽，令到石油價格上升。

今次戰爭不計政治層面，最主要影響的是通漲，能源價格上漲，將會推高生活成本，這樣有機會令各國央行延遲降息，甚至被迫加息。

--息口走勢--

在3月18日美國的議息會議，聯儲局宣布維持利率不變，維持3.5%-3.75%，今年全年再降息一次架預期中值，大致係無變，主席鮑威爾會後講到，中東戰爭導致不確定性增加。

如果要減息，就要睇倒控制通脹方面架進展，特別係受到關稅推動架商品通脹。

再加上，2月尾美國最高法院判左特朗普架關稅政策係唔合法，表面上，係可以減輕通漲。

不過，關稅是美國政府用黎同對手談判架重要籌碼，而且，可以舒緩政府財赤問題，所以特朗普會再推新方法，去提升關稅，例如佢3月重開架301調整，就係其中一個手段。

所以，舊關稅政策被判無效，不是利好，反是令市場多了一個新架不確定性，令通賬有機會加。

--2026年第二季港股分析--

中國科技股，經歷完2025年重估反彈之後，現價計仍未算貴，依然有一定修復空間。而且，在中國十五五規劃入面，都提到深化人工智能、數字經濟而類科技產業，所以中國科技股有望繼續重估，值得大家留意的行業。

因為中國科技股比美股平，只要中國科企的實質技術不太差，甚至做出一些高性價比的產品，都會令到相關股票價值向上，這是一個投資機遇，大家可以留意。

至於傳統板塊方面，銀行股可以留意下，因為銀行壞賬問題已可控，加上香港樓市穩定，都有利壞賬問題控制。另一個可留意行業，就是乘港地產股，因為香港樓市開始穩定，而香港地產發展商估值未貴，所以都有機會受惠。

所以，除科技板塊，投資者都可留意估值仍相對合理架銀行同房地產股份。

--戰爭令油價上升，深層次尋找投資機遇--

近年全球戰爭不斷，之後油價仍有機會波動。但反而大家可以深層次去思考，如果戰爭令油價長期高企，全球的格局有甚麼改變？當中在無投資機遇？

當油價高企，全球將會加速能源轉型，因為新能源不再是後備，無論是國家層面，企業層面，市民層面，都會受到油價高成本影響，從而尋找替代方法。

石油貴，太陽能、風能、核能的投資回報率會變更加吸引力，迫使各國以更快速度減少對石油的依賴。同一時間，同新能源有關的項目，例如儲能相關、電動車，也成為了替代方案。

--港股合理--

港股現水平約在合理中間，雖然短期仍有機會波動，但不少優質股都值得大家留意，同時可以開始分注投資，同時，中國科技股在估值比美國科技股相對吸引的情況下，只要業務發展、技術不太差，估值都有機會進一步重估，大家都可留意下。

--2026年第二季美股分析--

過去2年，美股主要受惠於AI發展，令到股市大升，特別是美股7雄，成為升市最大動力。不過，近期AI題材出現明顯分化，「AI基建」企業，例如AMD股價創新高之後，當業績較為唔符合預期，股價就會迅速調整。

而一些應用層面架企業，例如Google、Amazon、Microsoft股價都開始偏軟，因為市場開始擔心，企業不夠錢去一直投資AI。

以往Google這類大型科企，就算AI部分未賺到錢，憑住本身業務架強勁現金流，都可以支撐倒AI架發展。

--到2026年，情況已經不同--

上述講的情況，去了2025年下半年，2026年開始，情況已開始改變。

就以Google為例，佢預計2026年資本開支，會由上年900億提升至1800億，即係多成倍，而企業自己本身，每年經營現金流只係得1700億左右。

即係「經營活動現金流」已經開始少過資本開支，但AI開支在可見將來只會愈來愈高，即是資金壓力就會不斷增加。再加上AI收入增長，未有明顯起色，所以，市場對這些企業估值，都開始變得保守及理性。

--估值更理性--

就算係AI行業，其中一隻最高質的英偉達，業績好，但股價已無特別上升。

英偉達2月尾出業績，收入同比升73%，毛利率都創造高，去到75%，業績不差，但市場都開始思考，Google, Amazon這些大客，現金流都開始緊張，長線仲有無大量資金，去買英偉達GPU？

加上，英偉達要面對客製化晶片架威脅，所以，投資者對佢架估值，都理性左好多。

但都補充翻，英偉達長遠仍然正面，只是短期有機會波動，同市場對佢估值理性左，即是之前少少利好因素大升，現時要見到更多實質業務發展，才可令股價向上。

不過，對價值投資者都是好事，因為估值變得更加實在，英偉達有實質業務支持，估值也合理，比過往的投資值博率增加。

--市場對美股估值角度，同之前已不同--

過往，美股7雄總市值曾經一度突破20萬億美元，佔S&P500比重超過三分之一，即是同中國GDP差不多，是日本架4倍以上。

到近半年，美股出現「泡沫修正」迹象：

即是就算企業業績亮眼，都不會大升，市場開始對過高架估值，變得更加謹慎，更加理性。所以，之後大家不好再盲目投資美股AI概念股，不是掛住AI個名就一定升。

其實，自從2月戰爭開始，美股回落左唔少，但現時只是合理區內，不是平，而AI近年推動美股大升的故事，開始被動搖。

所以大家係投資美股時，唔好盲目以科技、AI呢兩個字，就胡亂入市，而係一定要從基本面出發。找一些基本面較好，技術優勢較強，處行業關鍵位置的企業投資，會較好。

--AI長遠正面--

我自己睇好人工智能長遠發展，行業應用只會更加廣泛，不過，投資市場已得理想，不會掛著「AI個名」就一定升，而是企業有實質業務發展，才能推動股價向上，同時上升的程度已經不是炒作類大升，而是更理性走勢，市場要睇業績，要睇實質發展，要睇資本開支會否過多。

其實，市場理性，大市從高位回落，其實是好事，因為只要投資者小心選擇，可以選到一些更合理價格的股，所以大家在選股上，要選一些更有實力，有基本面支持的企業。

（本人為證券業持牌人士，持有英偉達。上述文章只是企業分析，只供學術性質，並不構成任何投資建議或邀約，投資者在投資前，請自行花時間研究企業，才決定是否適合自己。）