【龔成問答信箱】（Q47441-Q47460)
Q47441：
hello 龔sir，
你嘅第一本書「圖解股票小百科」，我睇咗差唔多有100頁。當中有D問題唔係好明白。但我想等我睇完晒成本書後，綜合我嘅疑問一次過再請教你。
我今日嘗試去計劃我嘅投資組合，想請你比一個意見：
A) 每月投資本金二萬蚊港幣
B) 證券公司：富途牛牛
C）投資金額模式：月供
D）長期投資，以三年起月供為基礎
E)投資組合：
1）VOO >1000USD(7800HKD)
2) JnJ johnson&johnson >300USD(2340HKD)
3) NVDIA >300USD (2340HKD)
4) 2388 >2000HKD
5) 2800 > 2000HKD
6) 0066 > 2000HKD
每月總投資金額約：18480HKD
F)組合理念：
我加入Johnson and Johnson，主要嘅原因係將來人口老化，不論係貧窮或富裕，世界對藥物嘅需求必定有增無減。之前我一直考慮想買pfizer，但睇過股價之後，以及全球最大藥廠排名。我就挑選咗JnJ。
NVDIA，因為好似最近有好多利好消息關於呢間公司嘅發展。對我嚟講呢間公司係一個比較陌生嘅背景，我本人對科技亦都冇很深厚嘅知識。但科技股我相信都會有發展嘅潛力。而呢一間亦係相對地較大嘅一間公司。
至於港股嘅三個組合，都係以我個人嘅喜好以及你嘅意見綜合而得出來嘅。
問題：
1）我好似喺美股嘅比重校港股為多。想請問這個組合是平穩增長組合還是高風險組合？
2）你覺得我月供嘅金額上需要調整一下嗎？
3）你覺得我這六間公司有需要調整一下嗎？
睇完你本書嘅感覺係，我比第一次問你問題嘅時候有信心得多。以及當我睇股票網頁去search呢幾間公司嘅資料時，睇到一啲嘅專有名稱，我都有概念講緊啲乜嘢。
Btw，我覺得我好似你本書嗰個學生2一樣。佢問嘅問題就好似我心裏面想問嘅問題一樣。
非常感謝您推出呢一本書，幫助一眾新手去初步了解呢個投資市場嘅運作以及術語。
再次多謝多謝多謝你無私嘅分享同指導，以及抽出寶貴嘅時間解答每一位問你嘅大眾市民。
龔成老師︰
本書對你用幫助就好。
1) 算平穏增值，因為當中只有NVDA係潛力股。適合你年紀，如果想進取少少，加多少少潛力股，其實都有空間。
但初期想保守D，係適合。
2) 大致可以，但記得每個月都留少少現金，用來等大跌市機會。
3) 若你想(地區性分散力)平衡點，可以將部份VOO，調去2800。
但若果你比較長線睇好美股，這樣比例都可以。
4) JNJ和Pfizer主要分別，前者偏民生，算係平穏增長股。而pfizer主要係研發，係潛力型，風險較高。
5) 英偉達公司NVIDIA (NVDA)有質素。是《38全球倍升股》的其中一隻，長遠發展正面，有長線投資的價值。
佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以。
不過，未來AI晶片會更多面向發展，我相信佢增長依然會有，但未必會如AI出台初期般爆升。
而且，始終近年上升倍計，中短期股價仍會波動，現時大約在合理區中上，投資宜分注，同時要控制總投資比例。買入後，平常心面對短期股價，長線等企業有更大的發展。
------------------------------------------------
Q47442：
明白！都係一個好方法，不過會同時研究下ISRG。唔該晒阿Sir!
龔成老師︰
好，而間公司都值得研究。
直覺外科（ISRG）有質素。
直覺外科開發、生產和營銷用於輔助微創手術的機器人係統。它還為係統提供儀器儀表、一次性配件和保修服務。 該公司已在全球(70個國家/地區)醫院中安裝了超過10,00台達芬奇係統，在新興市場中的安裝數量也在不斷增長。
企業有技術，發展正面，生意與盈利都保持增長，賺錢能力高。不過，估值也較高，現水平已在合理較上部，如果未能有足夠增長支持，股價有機會調整。
因此，企業雖然發展正面，但估值不便宜，如果想現價投資，也只能小注。
------------------------------------------------
Q47443：
龔成老師你對儲蓄保險有咩睇法？因為我都有買過，有4份，都係因為手頭上有啲擺左響戶口冇乜點用嘅錢所以買，有2份已經供完
因為見到好多人都話儲蓄保險係職員為咗跑數而氹你買
我自己只係為咗純儲錢而買
所以想知道我咁買係咪唔係一個好嘅儲錢方法
利申：都有買一啲基金同股票，長江同2800都有買
龔成老師︰
其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
其實我地理財，最重要「攻守兼備」，防守是現金、保險，這部分要有，但不能太多，否則無資金進攻。進攻則是股票等，你要設計一個適合你的組合，要平衡，同時考慮你的風險度，年齡、負擔等因素。
------------------------------------------------
Q47444：
1810、939、388
2460、6955、700、9988、1211、9926，2007
呢啲股份可以長揸
龔成老師︰
它們都有長線投資價值，但留意幾點︰
1) 此組合偏向增長型，若你係年青至中年，才適合。
2) 組合中潛力股較多(1810,6955,0700,9988,1211,9926)，長線它們不應佔組合一半以上。
3) 碧桂園（2007）本身業務不是完全無質素，但負債高，因此有一定的風險，投資要明白，無人肯定佢會否出事。
這股如果投資，要控制好注碼。
投資這股的策略，可以是小注，買入後等2年，等內房好轉，當然，要明白無人知是否佢一定無事，但只要好轉，股價會有不差升幅。如果投資，一定要控制好注碼。
4) 長線組合，唔好得港股，要加少少美股，去平衡地區性風險。
------------------------------------------------
Q47445：
佢都係要買返3房，佢，小朋友，工人，每人一間房，小朋友而家8歲，都唔會孖房訓，同埋佢個屋都係前年先買448，而家賣462，還比銀行，比埋佣經紀，加上佢本身冇乜積蓄，所以賣左都唔會有好多資金係手，我諗運埋積蓄唔過廿萬
照阿sir你既分析，如果佢想短期再上樓，應該現金加定期為主了
龔成老師︰
係，如果佢短期要動用架資金，只宜放係高流動性和貶值機會細架地方。(如現金和定期)
如果佢有需要﹐就買翻房。
但自己睇翻財政狀況，唔好令自己過份吃力。長線目標，要供樓之餘﹐每月有資金剩下做投資。
------------------------------------------------
Q47446：
早晨！老師
請問現價入小米定中生好？
謝謝
龔成老師：
都是有質素，有發展力的股票，都可長線，你預小米（1810）潛力大少少，但風險也大少少。
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
雖然近期的品牌轉弱，汽車也多事故，但長遠會慢慢好轉。
如果用較長遠眼光分析，其實小米近年的業務發展理想，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。
近年的賺錢能力也持續向好，多個業務類別的毛利率都有持續向上，反映企業並不是透過減價去推銷量，而是提高產品的吸引力，不止吸引更多消費者，更提高每件產品的賺錢能力。
近年企業發展智能車，由零開始到成功銷售，只用了3年時間，反映這企業的研發能力、執行力都好強，更重要是銷售理想。
雖然這刻智能車業務剛收支平衡，但只要發展理想，當產量進一步上升能產生規模效益，同時只要建立好品牌，慢慢提高汽車的賺錢能力，這部分將創造可觀盈利。
整體來說，企業長遠發展正面，現價處合理區較下部至底部，可分注投資，但短期股價可能有點波動，投資者要平常心，以長線角度去投資這股，耐心等企業發展。
------------------------------------------------
Q47447：
同時持有微軟，google,英偉達，台積電，係咪會太集中？
龔成老師：
有少少，但都是有優勢的企業，同時佢地都各有不同的業務，所以算是有部分重覆，但不是全面重覆。最重要控制總投資金額，只要比例不過多仍是可以。
------------------------------------------------
Q47448：
多謝龔 Sir, 期待中 !! ????但老師常說要留有現金在手，等大市回調後，到便宜區時入市, 想知道哪時應該買哪些股票 (水桶1 或 2 或 3) 呢？例如退休人事是否那時也可以買水桶1？
龔成老師：
首先要睇自己的年齡及風險度決定，如果大市回落，水桶123股價都會跌，到時就睇自己的情況，如果是退休人士，就應該加大力度買入收息股，到時股價回落較多，股息率會去到一個較吸引的水平。
------------------------------------------------
Q47449：
龔sir，多謝你的企業和業務分析。這兩個範疇我確實要多多學習同鍛鍊一下。
其實我自己都好鍾意睇文字上嘅資料。所以你本書所提及嘅重點：「分析企業」我個人亦都十分認同。
睇完你嘅建議，我會稍作調整一下。
至於JnJ同pfizer，我可能會先選擇JnJ，初期感受一下真實實戰、睇盤同資金的流動，之後再多留意pfizer既未來嘅發展方向。
多謝，多謝，多謝你嘅寶貴意見同建議。
非常期待快啲讀完第一本書再讀第二本美股。
「知識改變命運」我十分相信呢句說話。
多謝你唔嫌棄我成日都send message問你問題，真心感謝。我知道只要肯努力做功課，我哋一定會成功嘅。
祝身體健康，身心靈健康
龔成老師：
最重要保持進步！
我自己都持續睇書，因為可以學到好多知識，同時，當我的知識愈多，財富就會愈多，所以保持進步是最重要！
加油！
------------------------------------------------
Q47450：
龔sir，1號
仔長和，不停賣資產，學生覺得，暫時 股票仍然會升值，對嗎？
請指教。謝謝。
龔成老師：
長和（0001）有質素的，是一間綜合企業，有平穩增長能力，但不是高增長。
佢賣資產能釋放資產價，同時可以有現金，尋找更多收購的機會，所以是正面，但最重要仍是睇佢本身業務情況，這些只是加分位。
業務有：港口、地產、零售、基建、能源、電訊、生物科技等，每一做領域都做得不差，現金流穩定及理想，不過，由於業務規模已大，已經不是高增長模式。相信長遠，有基本增長能力。
如果你追求收息及少少增長力，這股可以，現價合理，可分注投資，長線持有。
------------------------------------------------
Q47451：
2388 中銀香港，近年都升唔少，請問有什麼原因 ？
雖然 匯豐都升，但中銀是歷史新高，
現在大家跌，佢都係升緊。。。
長遠質素都不錯嗎？
我只有 1,000 股
匯豐只有 800 股
龔成老師：
上述兩隻都是不差的銀行股，可長線，但要留意，同一行業佔組合比例都不能太多。
有時會因佢地的業務情況，令到短期股價不同，但最重要睇長期。
2388因為是香港按揭市場，市佔率最高的銀行，所以，樓市好壞、負資產多少，都會對佢間接有影響的。
中銀香港（2388）長遠有質素，是收息及平穩增長類的股票。
這股近年業務持續好轉，除了反映香港及其他地區經濟開始好轉外，這企業由於有不少按揭部分，現時香港樓市穩定，也對這股有支持。
在中長期，經濟會持續好轉，樓市會穩定，因此，這企業仍正面。
------------------------------------------------
Q47452：
老師請幫忙簡單講解下6613藍思科技，想加入月供組合裡面，謝謝你
龔成老師：
藍思科技（6613）暫時只建議小注月供。
企業以科技創新為核心、以智能智造為驅動，是業內領先的智能終端全產業鏈一站式精密製造解決方案提供商。集團為行業內首批承接人形機器人及AI眼鏡╱XR頭顯關鍵核心部件量產及整機組裝的企業之一。
以2024年收入計，集團在全球消費電子精密結構件及模組綜合解決方案行業中排名領先，在全球智能汽車交互系統綜合解決方案行業中排名領先，市場份額分別為13%及20.9%。
集團的收入主要來自提供各類智能終端精密製造解決方案，包括智能手機及電腦類、智能汽車及座艙類、智能頭顯與智能穿戴類及其他智能終端類。客戶主要是消費電子和智能汽車行業的全球品牌公司。
集團在國內外擁有九個生產和研發基地，包括位於東南亞的海外生產基地，以及位於香港、美國、日本及韓國等地的海外辦公駐點，實現國內外市場的廣泛覆蓋。
行業及企業發展力不是無，但企業規模未算好大，也未能確定獨有優勢是否很強，因此，如果不能承受風險就不建議這股。如果明白風險，暫時只建議小注月供。
------------------------------------------------
Q47453：
老師你好，請問2802或者3416買嚟每個月收息，穩陣嗎？謝謝????????
龔成老師：
兩隻都是新型的ETF，股息率好高，但不是無風險，以下講其中一隻，你就大致明這類ETF的情況。
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，往往有10%以上的利息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有3個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
------------------------------------------------
Q47454：
美國????????既REIT除左o 之外，有冇其他值得買？
龔成老師：
你可考慮房託ETF，都是很好的工具。
iShares Global REIT ETF(REET)是全球性的房託 ETF，追蹤富時EPRA/NAREIT全球不動產投資信託指數
投資地區包括全球已開發、新興市場的房託類別，美國佔了一半以上
------------------------------------------------
Q47455：
龔成你好，我想參加港股班，我係退休人士，需要穩健投資，呢個班適合嘛？
另外想問有冇教投資美國國債課程？
龔成老師：
如果是退休者，會建議投資收息股、收息資產，由於美股收息要比30%股息稅，港股則好多收息股都不用比稅，所以，港股班會適合你。
港股班會教好多買股票的基本技巧，以及講一些收息ETF、收息股、公用股等，相信是適合你的。
同時，課程會教你財富配置技巧。
至於美債課程，暫時未有專門這工具的課程。
------------------------------------------------
Q47456：
您好 成兄，想請教以下股票在長遠投資 那種較可取
如以小注入市？
1)telsa 汽車 ？
2) 輝達 黃仁勳？
3) space x (ipo 在2026)？
龔成老師：
如果你要穩陣，穩中求勝就英偉達公司NVIDIA （NVDA）有質素，長遠發展正面，有長線投資的價值。
這是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。
其業務可應用層面，都相當廣泛，投資係可以。
但始終近年上升倍計，中短期股價仍會波動，現時大約在合理區中上，投資宜分注，同時要控制總投資比例。買入後，平常心面對短期股價，長線等企業有更大的發展。
如果你能承受高風險，想追求較高回報，就Space x，這股有實力，但相信新股上市估值高及好波動，你預佢是高風險高回報類。
------------------------------------------------
Q47457：
老師，如果資金有限，現價買GOOG定NVDA比較好？
龔成老師：
兩隻都好優質，現價大約在合理區較上部，可以小注買入，同時持有最好的。
如果要2選1，這刻考慮投資值博率因素，可考慮NVDA。
------------------------------------------------
Q47458：
941現價係咪可以再加持
龔成老師：
如果貨不太多，現水平可加少少。中移動（0941）有質素，長遠發展仍正面，值得長線持有，作為收息及平穩增長。
過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。
過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。
整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。
------------------------------------------------
Q47459：
龔SIR早晨，請問地平線機器人目前算合理水平價位嗎？
龔成老師：
地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
由於風險較高，所以首先要問自己風險承受能力。另外，這股估值難，比起平貴度，企業發展是否成功更重要。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。
------------------------------------------------
Q47460：
3419和3466入哪只好？
龔成老師：
3466是傳統的收息ETF，會較穩陣，至於3419，利用期構去產生現金流，息率高但風險都會高D，所以，要睇你風險承受能力，或者小注投資。
ＧＸ恒指備兌（3419）業務基金之投資目標為透過投資於恒生指數的成份股本證券，及沽出相關指數的認購期權以收取認購期權買方支付的款項（期權金），以產生收入。
這ETF並不是傳統型的ETF，因此情況會較特別，優點是高息，往往有10%以上的利息，因為利用期權去產生現金流，但缺點是背後都有一定風險。
簡單來說，在一般的市況，這ETF可以派不差的股息，但這類ETF，有3個風險：
1）如果股市持續向下，ETF價格都會大跌，有機會出現賺息蝕價的情況。
2）當股市大升，這ETF的升幅有機會落後大市，只能賺到利息收入，而錯失了增值時期。
3）操作風險。因為基金無完全講當中的運作，我只能透過基金網站簡單講述的操作，去估當中的運作，如果基金操作不當，會否有資產價格大跌的風險，這點我都不清楚。
我並不是說不能投資這ETF，而是要明白上述的風險，同時在注碼上不宜過多。
----------------------------------------------
若你有問題想向本人發問，可在龔成的fb專頁「www.facebook.com/80shing」inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。
另外，所有個案及意見，只是供大家參考，只是教學分享，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。
由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。