給10年前自己的說話

如果你現在，可以同10年前的自己講一句說話，你會講甚麼？

（希望大家認真想想，唔好講「買騰訊、買六合彩幾號」這類說話，而是一些方向性的說話）。

這個問題的目的，就是想大家思考一下，自己在這10年過得如何，是否自己滿意？

就我自己來講，如果可以同10年前的自己講一句說話，我會講「盡快辭職，發展自己事業」。我過往一直打銀行工，一邊打工一邊搞小生意及其他事業，坦白講，我是一個穩陣的人，心底一直都唔敢辭職全力做自己的事業。

我要到外面生意事業已有一定的收入，才敢在幾年前正式辭職，全力發展自己的事業。

如果可以的話，我早多幾年辭職，會更成功，現時的生意會做得更大，當時有一段時間，我掙扎左好耐，應唔應該辭職。本身有銀行工穩定收入，都會擔心辭職會有好大變化，都會有擔憂。

好彩最後都儲夠勇氣，決心辭職，因為我知道方向正確，行這一步只遲與早的問題，唔可以比自己的恐慌限制左自己，當日職辭的感覺，有點「重生」，因為我做左一件「一直想做，但唔敢做」的事！

多年前，我一直都是50%打工，50%發展自己的事業，這是一個穩陣的方法，但並不是最好的發展方法，如果可以重來，如果我當年夠勇氣，會盡快100%全力去做！

我希望大家都好好想下，如果你同10年前的自己講一句說話，你會講甚麼？

事實上，我地無得從新來過。不過，我地可以好好把握今後的10年，令10年後的自己，唔好講一些後悔的說話。