等樓市爆才入市？

（龔成問答信箱）
Q：

Hello龔成，最近發展商收了我屋企層唐樓，平均每尺$15000，扣除佣金後會有700萬現金。

諗住花大概500萬買1層樓自住，什麼時機入市買樓比較好? 

我應該等樓價下調，到時入市會比較好嗎?

另外200萬想買多層樓比首期，然後放租可以嗎? 龔成有什麼好建議，好好運用呢200萬嗎?

龔成老師：

現時樓市的確有點高，但我不建議你「等爆」才入市，因為我地無人真正估到樓市的升跌。

當你原本有層樓，然後比發展商收左，其實等於賣左層自住樓，但我從不建議人賣自住樓的，因為這會令你由「平倉樓市」狀態，轉變成「沽空樓市」狀態。

如果樓市跌，你當然有得益，但如果樓市不斷升，你就有損失，因為你已無左層自住樓。所以，我建議你而家開始睇樓，買翻一層自住樓先。

另外，如果你想好好運用資金，自住樓不用比晒$500萬，例如買$500樓，比其中的$250萬（即一半），餘下的持有現金。再睇一下步點做。（如果你覺得咁樣會比好多息，可以做按揭時，開個按揭掛勾高息戶口，你將錢存入去，部分可以對消銀行借貸）。

你可以第一層高成數，第二層低成數按揭，但就無個倒轉，所以，第一層借錢，留多點現金在手，資金運用上較好。

你有一層樓後，就唔洗太心急買第二層（因為這是投資），這時可以睇住個市，真正等跌才入。

而在這段時期，可將部分資金投入股市，平衡增值，甚至只是收息，已有不錯的效果。

龔成課程【投資倍升股課程】:http://www.80shing.com/course.php